الدكتور محاضرته خفيفه و ما ياخذ المحاضره كامل، شديد جداً بالتحضير يحضر من اول دقيقه و اعتقد يحرم اذا تجاوزت الحد. درست عنده سيفتي و للامانه اختباره كان سهل للي مذاكر زين، صحيح كان الافرج نازل وقتنا بس الصدق كل الاختبار من السلايدات ف الي ذاكرها زين جاب درجات ممتازه. بالنسبه لدرجات المشروع الدكتور يدقق مره و لازم يطلع شيء بمشروعكم الصدق ما ادري كيف الدرجات ما ارسلها بس اعتقد زينه
الدكتور حبيب مررره و شرحه ممتاااز فاهم الماده زين ويوصلها بسلاسة و كلاساته ممتعه، واجبات يعطي قليل وكويزاته سهله مره لكن المد يعتبر من متوسط إلى شي من الصعوبه لكن مقدور عليها و بالنسبه للتصحيح يدف بشي وينقص بشي لكن بالاخير النتيجة مرضية ما يفجعك بدرجاتك الله يسعده و يسهل له واكيد باخذ عنده ماده ثانيه
شديد في التحضير و وقت الدخول
درست عنده سيفتي ، الصدق الرجال شرحه جيد ومحاضرته خفيفه اغلب الاحيان يخلص بنص ساعه او حوله ومحاضرته جميله جداً وفاهم بالسيفتي وتراه شديد مرح بالتحضير يحضر علطول ببداية المحاضره واذا دخلت بعد التحضير بو بثانيه خلاص تأخير ، لكن وحط تحت لكن الف تصحيحه بدفعتنا كان مجرم افرج الميد ٢٠/٣٠ على ماده زي سيفتي اجرام وغير كذا ماعطانا درجاتنا من ستين والقريد الاغلب طاح فيه قريدين او ثلاث والفاينل كان فيه حقه من الاخير تصحيحه مجرم يده مره ثقيله ومتعبه ياخي تنقهر من الدرجه فشد حيلك يوحش ولا تذاكر بس اولدات
التقييم بدون تعليق
شرحه عادي يميل للسوء الصراحه اما عن تعامله اراه ممتاز بالنسبة للدرجات والتصحيح يعطيك حقك من غير زيادة ولا نقصان وعنده بونص بس مايسوى درجة وحده تصحيحه اقشر شوي والتحضير يحضر بداية المحاضره وممكن يمشيها لك تاخر مره بس المره الثانيه يحسبها غياب
خذ العلم الدكتور اخلاقه عالية ومتعاون جدا ودرجات المشروع وأعمال السنة مايقصر فيها عطانا أكثر من حقنا بكثير، شرحه يميل للسوء لكن ممكن تفهم منه الفكرة العامة للدرس وبعض المعلومات البسيطة ويتقبل الأسئلة برحب صدر واذا عندك سؤال بيحاول يشرح لك حتى توصل المعلومة، تحضيره بعد المحاضرة غالبا 5-7 دقايق، تصحيحه لك عليه لأنه يدقق شوي ع التفاصيل اللي مالها داعي مثل كتابة القانون أو اذا كتبت أكثر من المطلوب في السؤال. بشكل عام الدكتور ممتاز الله يجزاه خير واتمنى أدرس عنده مره ثانية.