خذيت عنده جاف ٢٠١ الصدق شرح كويس نوعاً ما والتحضير شديد شوي وانتبه تهوجس في محاضرته لانه يشطح عليك وبيسالك والدرجات انسى بتاخذ حقك فقط الاختبارات والله مدري وش اقول قسم بالله اختباراته سهله الميد اغلبه خيارات وصح وخطا والفاينل من ٤٠، ٣٦ سوال خيارات صح وخطا بس اتوقع سواها لان درجاتنا مهب مره الماده الصدق يبيلها شغل قوي برأيي هي اصعب من فيز ١٠١ لان ماتعرف كيف تذاكرها الصدق عشان كذا الاغلب هجة معه ماده دسمه دسمه لابعد حد حاول تعطيها حقها
ثاني مره ادرس عنده الدكتور من ناحية الشرح لا يُعلى عليه بس لازم تركز معه لانه دايم يسأل وقت المحاضرة وحافظ الاسماء ويعرف من اللي مصحصح معه و من اللي فاهي ، اختباراته معقوله مب صعبه ولا سهله ، يطلب تكاليف وواجبات اغلبها بسيطه ان شاء الله ومن ناحية درجات ما اتوقع يدف الا اذا كنت على حافة القريد اللي بعده
دكتور رسمي بتعامله وبطريقه شرحه يحترم الوقت جدا انتبه لا تتأخر عن المحاضره , شرحه ممتاز ومن افضل الدكاتره بالقسم كشرح , لا تتوقع يدفك لكن اعطانا اسئله بونص بالميد والفاينل , ادخل المحاضره وانت مركز ضروري هالشي واذا شافك نايم او فاهي بيسألك ويقول وش خذينا اليوم
اذا ركزت بتحل زين في الاختبار
دكتور ممتاز بكل صراحة من ناحية الشرح شرحه واضح وبسيط ويفهمك المنهج بكل سهوله من ناحية اختبارات اختباراته بسيطه مب صعبه واغلبها خيارات و صح و خطا تعامله ممتاز مع الطلاب ما قد شفته معصب طول الترم التحضير عنده شديد شوي صراحة يعني حاول ما تتاخر اكثر من ١٠ دقايق والدرجات اعطى كل واحد حقه تقريبًا ما اعرف احد زاده لكن ماقصر بدرجات التكاليف تقريبًا الاغلب ماخذ فل
الدكتور شرحه جدا جدا ممتاز يحاول يوصلك المعلومه قدر المستطاع التحضير جدا جدا شديد لا تتأخر عنده لانه هو دكتور حريص انه يوصلك المعلومه ومايدف طبعا يعطيك حقيك ودكتور جدا جدا محترم
دكتور ممتاز جداً بالشرح، اختبارات معقولة ولو ركزت بشرحة بس بتحل وبتجيب كامل، تصحيحة دقيق جداً ومايدفك ربع درجة، لا تتأخر عنده نصيحة.
اذا تبي درجات تراه مايدف ربع درجه وتصحيحه دقيق بزياده مهما تفاعلت معه او تجاوبت فالكلاس انسى اما شرح ممتاز للامانه واختبارات معقوله ومقدور عليها وتحضير يغثك شوي ونصيحه لو في غيره رح له ولا تروح لمحمود
اكثر كلاس ممتع في يومي
دكتور ممتاز جدا الله يوفقه.. شديد بالحضور و التأخير لكن احضر عنده وباذن الله اضمن لك انك تقرا السؤال بالاختبار وعلى طول تذكره شرحه والله العظيم عسل جدا اذا فهمت شخصيته ممكن يكون شديد بداية الترم بس