الدكتور رهيب من ناحية الشرح ويجمع لك بين المعمول به بالمملكة وبباقي الدول ولكن الكتاب الي يشرح منه سيء ويحذف جزئيات منه وفي نقاط يسكب لها هذي غالبا مايجي عليها أسئلة وأسئلته مقالية وصح وخطأ المقالي يجيب عناوين رئيسية أو فرعية ياعدد 5 نقاط وقالنا اكتبو كل التعداد الي تعرفونه وباخذ الصحيح منها أو يكون اشرح بالتفصيل او اشرح مع مثال وفي حال اشرح بالتفصيل اكتب له كل الي تعرفه وتراه مايدقق اذا كان أغلبه صحيح وصح وخطأ سهل بس تحس فيه تريك لكنه واضح نظامه مدين وتكليف واذا باقي لك كذا درجة عالقريد يدفك
الدكتور تغير وصار كويس واختباراته يبيلها مذاكره اذا انت رجال بتذاكر زي الناس نزل عنده اما لو كنت من النوع الي تزنق نفسك قبل الاختبار بيوم لا تنزل عنده واختباراته صح وخطأ ومقالي الصح والخطأ صعبه وتريكات لكن المقالي سهل وواضح وحقاني بالتصحيح وطبعا مايدف لكن لو شديت حيلك يمديك تجيب عنده قريد، في هذي اييييش؟؟؟؟ الحالة🫡
مبدئياً بس (((( ميده الاول )))) ٢٦٠ صفحه و ٤ صفحات ٣ صفحات كل وحده فيهم سؤال واحد مقالي واجابته ٩ سطور والصفحه الرابعه نص تعاريف ونص صح وخطأ وفوق كذا يده ثقيله بالتصحيح وكل الشعبه جايبه العيد مستحيل انزل عنده مره ثانيه وما انصح ابدا
أسئلة الدكتور صعبة جداً ودقيقة وتفصيلية ولا يعوض هداه الله لكنه ومع ذلك رجل محترم جداً وخلوق ويستفيض في الشرح لكن المادة دسمة جدا جدا جدا .
في هذي اييييش الحاالة 🐐🐐 فخر سدير وما جاورها ١+١=٢ ، لازم تذااكر زين وتعبر عن اجابتك بطريقة ممتازة وبتاخذ درجة حلوة، مستحيل يدفك اجتهادك ومذاكرتك هي قريدك وبالنسبة لي هذا اهم شي ولكن الطلاب دايم يعتمدون على البونص واللي يكون تفضلاً من الدكتور وليس واجباً عليه
في هذه ايييش ؟ الحالة
اختبارات صعبه جداً وتصحيح دقيق جداً جداً الماده اصلاً صعبه والدكتور مصعبها زياده الميدات كانت ثنين من ٦٠ وصعبه جدا الفاينل اقل صعوبه ،، الدكتور محترم واخلاق عاليه ويوضح اذا في شي مافهمته
مهما اعيد وازيد واتكلم ببقى مقلل بحقه والله يا اخوان كمية سوء غير طبيعية فيه من كل النواحي سيء حرفياً والله اسوأ انسان درسني بحياتي كامله شديد بالتحضير وغير متعاون مع الطلاب ابداً ابداً مهما تكلمونه يسهل الاختبار ما يستمع ويروح يصعب اكثر شرحه سيء تحديده اسوأ ( ٥٠٠ صفحه تقريباً ) الفاينل من ٨ اوراق لا تنزل عنده اذا تبي تتحدى نفسك كنك تلعب سولز رسالتي للجامعتنا الكريمه / اتمنى تاخذونه تودونه يدرس بدورة صاعقه ولا تشوفون له حل والله مو طبيعي كل شعبه درجاته نازله جداً ومعدلهم مخسوف
أهرررب بجلدك اذا تبي معدلك مايطيح
في هذي ايييييش ؟ الحاله في هذي اييييييش ؟؟؟؟؟ الحالة🐐🐐🐐