اكثر كلاس ممتع في يومي
الله يجعلها في جنات النعيم المقيم ووالديها هذي مصدر سعادة للي تنزل له هي بشاشه هي اخلاق هي شرح هي تفاهم والله العظيم اننا ندعي لها قبل محاضرتها وبعدها وماعمرنا طرينا اسمها الا دعينا لها ماندري كيف نجزيها لطيفه لططططيفه وعسوله تسألينها اي سؤال تجاوبك حتى المشروع اللي المفروض مالها دخل فيها تعاونت معنا لما ارفقناه اطالب الجامعه توديها معنا الدرعيه الكلاس كله يجي مروق ومبسوط فاليومين اللي هي علينا
دكتورتنا نورة هي أكثر من مجرد دكتوره، هي قدوة بمعنى الكلمة أسلوبها في الشرح ما يوصف، تخليك تحب المادة وتنتظر الكلاس بشغف. كل كلمة منها تنقال بلطف وتبسط أي معلومة مهما كانت صعبة ويا لطيب قلبها ولسانها العذب، ما نسمع منها إلا: أمري يا حبيبتي و من عيوني و ابشري وحتى تعاملها يزرع فينا شعور بالراحة وتخلينا نحس إننا مو مجرد طالبات بل خوات لها الله يجزاها خير ويوفقها لأنها مثال حي للدكتورة اللي تحببك في العلم بحبها وعطائها كلنا ندعي لها من قلوبنا لأنها فعلاً تستحق كل خير ❤️❤️❤️❤️❤️
الله يسعدها و يوفقها 💚
اخ مااا اعرف من وين ابدا من كثر الذوق والنفس السمحة والأخلاق العسل والتعامل اللبق دكتورة تحببك بالمادة بشكل غير طبيعي تلقين نفسك غصب تحبين التقن وتنتظرين محاضرتها وكنت اتمنى محاضرتها كل يوم ماعندي اي مشكلة مهتمه بدرجات ال self learning project لكل بنت اكثر من البنت نفسها وتتأكد منه انه كامل عشان تاخذ كامل عند العمادة، من الحين الي بتنزل لها بالترم الثاني يااحظك ياحظك مره اتمنى اعيد محاضرتنا معها ماشبعت ابداً🥺❤️❤️❤️❤️
انسانه زي العسل ما شاء الله فيها قبول غير طبيعي تحببك في الماده وشرحها ممتاز وفوق هذا كله انسانة خلوقه ومحترمه وروحها خفيفة وحبوبة . محاضراتها خفيفه ما تحسين بالوقت ، شرحها بالعملي والنظري ممتاز ، التواصل معها سهل و تكاليفها سهله ومتعاونه جدا مع مشاريع المقرر و تتاكد من كل بنت ، الله يسعدها ويوفقها
اعتقد حنا اول دفعه درستنا صراحةً جيده مره بس حصل لي موقف منها بالتعامل ما عجبتني بس من الشرح والتحضير وكذا مره كويسه وطول الترم تعاملها حلو بس هالموقف هو اللي خلاني انزل من تقييم التعامل
مرنة في الحضور و لانصراف
بختصار شديد اذا انتي عندها اعرفي انك مو بارة بأمك بس لا واضح انك باره بالقبيله كلها
عسل عسلل اكثر دكتوره فيها قبول وطيبه تهبل ما شاء الله محظوظين الي جاهم كلاسها 🤍🤍🤍🤍🤍