احسني احبه صح شرحه سريع سريع بس يسالك اذا مافهمتي يشرح من جديد عادي والمحاضره ساعه من حقك يستعجل عشان الوقت مرهه دقيق بالواجبات ينقص على اشياء كثير بس يكون قد نبه عليها بينقص على التقريب والوحدات كلها يكون منبه عليها قبل ماجاب طاري البونص ابد ومانعرف كيف نكلمه مايرد علينا زي الناس بس حقك يجيك واختباراته سهله مره مايطلع ابدا من السلايدات ومايعقدها ويراقب علينا بالاختبار فاي سوال يجاوبك بالاختبار عادي بالكلاس حريص جدا عليك بس برا الكلاس براحتك بس انه طبيعي جدا
التقييم بدون تعليق
اختباراته سهلة يجييها نفس الواجبات أو أفكار متشابهة يعني، واطا ما فهمتوا يعيد لكم الشرح ويدف بالنهاية الله يسعده
تكاليف قليلة و سهلة و مفيدة
محاضراته يعطيها بدون نفس شرحه سريع سريع، اختباراته سهله نوعا ما لكن تصحيحه شين ولما نكلم دكتوره العملي ما تساعدنا ولا تعطينا تبرير تقول اكيد الدكتور نبه لكم، واجباته يخسف فيها على اتفه الاغلاط، وبالاختبار اذا عندك سؤال ماتجاوب الدكتوره بس تقولك كيف حليتيه بالواجب
للامانه الدكتور جدا سيء بالتعامل يصارخ ويهاوش ولا افهم شرحه ابدا وتصحيح اختباراته سيء جدا ينقصك درجات كثير على اشياء مو منطقيه ويخسف فيك خسف بالنسبه للواجبات غير متساهل فيها ينقص كثير ويهتم بوقت التسليم (حتى لو كان فيه اجازه لازم تسلم)
شرحه سريع بس أفضل شيء إنه يسجل المحاضرات في البلاك بورد، أسئلته سهلة مره بس مشكلته تصحيحه شوي دقيق لأنه يقلل الأسئلة ويكثر درجاتها
الدكتور كان حبيب مجملا ويمزح معنا بعض الاحيان, كان يسوي معنا فعالية على المنهج عليها درجات بونص, من ناحية التعامل ابدا ما كان مثل الي توقعته كان حبيب و ساعدني كثير, خاصة من ناحية تسليم الواجبات. من ناحية الشرح كان يسال كثير اذا كنت فاهم ولا اعيد يهمه انك تفهمه, خاصة بالعملي, يعيبه بالتواصل غريب اطوار ما تدري كيف تتواصل معه. من ناحية الدرجات اعطاني فوق حقي و شاتني شوي لانه عندي بونص معه. خيار جيد جدا مجملا و متحمس اخذ مواد ثانية معه, الله يوفقه ويسعده.
اذا ركزت بتحل زين في الاختبار
يالله ياذا الدكتور كارثة .. المحاضرات اونلاين بما اننا بكلية العمارة للبنات بس مو طبيعي ما ينطق الحروف زين مدري وش يقول ويحسسك ان المادة تافهه بس يجيب اختبار كأنه العريس وانا العروسه! وفوق هذا يقول لحد يناقشني بالدرجات وهو يخسف ام امنا بالميدات حقته الين ندخل الفاينل واحنا عالحافه