التقييم غير منصف لها! اسطوره النتوورك صراحه مرررره فاهمه وتشرح من قلب وتعيد لين يفهمون البنات، من ناحيه شرح لا تشيلون هم ملكه ملكه، ركزو على الشيتات اهم شيء، والمشروع انشبو لها ساعات مكتبيه تراها حليييله وتساعد
ملكة الشبكات تفهم مره وفاهمه المادة وحريصة انك تفهمين ما تعدي نقطة إلا وهي متاكده ان الكل فاهم بالنسبة لسرعة الشرح ابد مب سريعة وشرحها واضح جدًا من ناحية الدرجات تعطيك حقك سوي المطلوب وما عليك
بنات نصييييحة نصيييحة ركزو على الشيتس خصوصا لو هي المنسقة + لا تفكرون تشترون المشروع لو ايييش لانها بتقفطكم وبتعطيكم صفر
الشرح واضح وتضرب امثله، التحضير بنهاية الكلاس بس يومي، الدرجات تعطيك حقك ماتضلمك بس المشكلة شديدة في التعامل والاسلوب غير اكاديمي نهائيًا
الدكتوره حتى وهي شوي سريعه بالشرح شرحها واضح واذا ما فهمتي شي اسألو رح تشرح لكم ما تقصر الله يسعدها كانت شديده في البدايه بعدين فجأه لانت ما اعرف هي رحمتنا ولا ملت مننا هه تركز في البروجكت مره احرصو تسوونََه مضبوط. اختباراتها من السلايد وفيها من التجميعات مب من عالم اخر الحمدلله اطمئنو من هالناحيه
شرحها سريع مره ومو مفهوم بالنسبة لي ، مزاجية مره مره وتنفس واجد وترمي حكي كثير :) دكتورة متعبة صراحة بكل شي مشاريع تكاليف لابات ماصدقت يخلص الترم وارتاح من المادة الاختبارات مستواها وسط للانصاف ، تجيب اسئلة بالفهم واجوبتها مو بالسلايد وتبيك تتذكرين شرحها وتجيب من الشيتس بعد المشروع واللابات غيرتها كلياً عن الدفع اللي قبل واعطت كثييير صفر لانهم شرو المشروع ف انتبهو لهالنقطة متعاونة من ناحية التمديد للواجبات والمشاريع ، تحسب لها التحضير دايم تحضر نهاية الكلاس حطت درجات عالمشاركه
تشرح بذمة وضمير ومفهوم بالنسبة لي وماتحتاج مصدر ثاني إذا ركزتي معاها ، التحضير بنهاية الكلاس بس إذا كثر التأخير تعصب، لي إيميلات ماردت عليها وبعضها ردت الأفضل تكلمينها بالمكتب، التكاليف كثيرة للأمانة صح تبيك تتعلمين بس متعبة جدًا، التعامل شديد ومزاجي واذكر استقعدت لقروبات واجد ممكن أنزل عندها لو مافيه غيرها ولا تكون مادة مشروع لان تقييمها دقيق بزيادة بالمشروع
شديدة في التحضير و وقت الدخول
درست عندنا نتورك تهتم بالتحضير مررررة خصوصًا لو شافت الكل بدأ يتهاون بالحضور شرحها ماشي حاله بس غالبًا يمكن تحتاجين مصدر ثاني تفهمين منه بس ركزوا معها تعطيك فكرة قبل تذاكرين المذاكرة الصدقية وأشياء تقولها وتجي بالاختبار بس إنها سريعة الصدق مرة وبالبداية يمكن ما تمشون معها بس بعدين بتتعودون
دقيقه في التحضير والتاخير واختبارها الفاينل كان يجنن ميداتها والكويزات يبيلها شوي بس نصيحه ركزو معاها في الشرح تقول اشياء مهمه احيانا