اسوأ دكتور ممكن تنزل عنده في مسيرتك الجامعية
ما تمر محاضره الا ويستهزئ بسؤال او تصرف من طالب، دائم الانتقاد وما يعجبه العجب، يهدد ويتوعد لاتفه الاسباب، بشكل عام لا يحترم الطالب.
يعني الحقيقه انا ما اخذت ترم كامل فقعت ، لكن انطباع اولي لازم تفتح كاميره و ما تتحضر بدونها ، تعامله مع الطلاب شوي جفس يعني مدري ما يطمن ابد بالنسبه للدرجات مدري
ما يحضرك الا اذا تفتح الكام، وتعامله سيء مع الطلاب. لكن اذا تبي درجة سجل عنده.
الدكتور الصراحة صراحة ماودي اذمه او امدحه لكن بعطيكم تجربتي كان في المحاضرة يشرط علينا نفتح الكاميرة والي مايشغلها يغيبه ويطرده من المحاضرة عبر برنامج زوم الدكتور عطانا ميد عليه ٣٠ وكله مقالي انا ذاكرت مذاكرة ماهي قوية او تساهل وجبت عنده ١٩ من ٣٠ وزادني ٥ صارت ٢٤ وعطانا تكليفين من متوسط الى صعب وفي نهاية الترم قال لنا في قروب الواتس انه الي بيجيب في الفاينل ٣٦ وفوق بعطيه ٦٠ اعمال سنه والحمدلله جبت ٣٦ وعطاني أ+ الطلاب الباقين دف كل طالب قريد وانا مدري بيستمر على الاسلوب هذا كويس . ودعواتكم لي بالتوفيق والله يوفق الجميع . التجربة الترم الاول١٤٤٢