شرح ممتاز لكن المحاضره ثقيله الدكتور ياخذ كل وقت المحاضره ٥٠ دقيقه بالضبط مايضيع جزء من الثانيه الا ما ندر الدف مايدف لو تحب السماء بالنسبه للتحضير مرن جدًا يعطي الطلاب في نص الكلاس ورقه ويحضرون انفسهم ويستلمها اخر الكلاس
ما يدفك ربع درجة لو يطلع براسك شجرة
كويس نوعا ما بس ما يدف ربع درجة حتى
التقييم بدون تعليق
يستاهل يحترم لاسمه قبل مكانته العلميه دكتور خلوق جدا جدا ومحترم وشرحه ممتاز
مستحيل تدري هل اختباراته قاصدها تحدي ولا وش، اقولك من الحين رح شف لك مصدر خارجي واشترك مع احد يشرحها، المادة دسمة وزيادة عليها خوينا ذا… شعبتين ارسل درجاتها و اقسم بالله محد جاب فل بالميد الآفرج كان حول ١٧، والحاذفين كثير…
دكتور ايمن تحضيره رهيب جداً غيابي اكثر من حضوري عنده ومايحرم ورمضان عن بعد ومايحضر من ناحيه شرح شرحه رهيب لكن مشكلته يفصل تفصيل غير مهم لك كطالب هندسة او حاسب وشفلك مصدر خارجي لاتعتمد ميه بالميه عليه واذا مسك تنسيق الأسئلة سلم على الشهداء وافههههم الماده لانها اختباراتها من تالي كلها فهم
التقييم بدون تعليق
اخلاق ورهيب الدكتور شرحه مدري عنه بس يمدحونه التحضير يحضر اخر شي ولو تدخل قبل التحضير بدقيقه حضرك(ترم كورونا الثاني) الدرجات محد يدف بذا الماده والواجبات اسحب عليها مافيها بونص
درست عنده ترم الكورونا الثاني ترم العشرين درجة من الجامعة شرحه صراحة كويس مشكلته احيانا يطول السالفة وهي قصيرة قانون وعوض لكن بالمجمل شرحه كويس وينفهم حبيب جدا واخلاق لو تسال الف مرة جاوبك يعطي واجبات اختيارية لكن يقول تفيدك اخر الترم بقالي درجتين على قريد ولا زادني وانا حال كل الواجبات لكن ممكن عشان زيادة الجامعة العشرين درجة كنسلها وممكن انه قايل لنا تفيدك بس عشان نحلها مدري صراحة تحضيره اخر المحاضرة ويمشي بالغالب