تبارك الرحمن محاضرتها ممتعة ومتمكنة من المالية مره! من اكثر الدكاتره اللي استفدت منهم معلوماتها مره مفيدة،مشكلتي معها انها جداً دقيقة في تصحيح الريبورت و شرح المعايير مو واضح لازم تسالين عن كل شي عشان تتاكدين انك عارفه وش تبغى وتنقيصها بالريبورت كان كثير حتى لو السبب بسيط،الاختبارات كانت متوسطة كلها ميد وفاينل، بس مره ركزوا على المشروع حرام تنقصون فيه كثير لان بالاخير عليه ٥٠ درجة مب مره متعاونه بالتسليم و المحاضرات ما تلغي كثير والحضور تحضر كل محاضرة باخرها لكن كشرح ما ابالغ لو اقول توب ون 🤍
البروجكت عليه ٥٠ درجة جدا مهم تنقص عليه على أشياء تافهه الصدق وتدقق بزيادة لكن عادي تقدرون تجيبون درجات مو تعجيز ( اهم شي اختاري قروب يشتغل). الاختبارات عادي مو صعبة ولا سهلة وسط اللي يذاكر بيحل. مرنة مرة بالحضور وتتفهم التأخير. اشوف عادي سهل الواحد يجيب A او حتى A+ بس لازم تعطين المادة حقها، والحلو اللي دخل بالميد ما يدخل بالفاينل لكن مع ذلك جزئية الفاينل كبيرة جدا على ٢٥ درجة.
بالنسبة لي يمكن اكثر دكتورة في قسم المالية كامل متمكنه من مادتها وكمية معلومات ماشاء الله تبارك الله مشكلتها دقيقة مره في البروجكت وعادي تنقص واختباراتها الصدق متوسط إلى صعب وتجيب من شرحها كثير ركزوا معها وبشرحها وماتتعاون الا قليل لكن عموما المادة حلوه صراحه وإضافة كبيرة لي في تخصصي ومع حنان ماتتفوت ومن أمتع المواد الي درستها في التخصص بعد ف استمتعوا فيها💙
شرح ممتاز، بروجكت يبيله وقت وتراجعون الريبورت حقكم معها عشان ما تنقصكم كثير، برزنتيشن ومشاركه اتوقع عطت الكل كامل يمكن نقصت كم بنت بس، ميد متوسط، فاينل دخلت معنا ٦ تشابترز وتوقعنا بيكون اسهل بس كان مستواه متوسط الى صعب، بالنهايه القريد ما احسها مره رفعت يعني كان يمديها ترفع اكثر( افضل شي شرحها الصراحه في اشياء كثير مافهمتها الا منها ومحترمه ومتعاونه الى حد ما)
الصراحه الماده نفسها ممتعه حتى المشروع رغم التعب الا انه مره راح تستفيدون منه بس انه ضغط احس كان ودي اسويه وانا ما افكر بس بالدرجه حقه عشان افهمه صح حسيت بعد اول مرتين نقصت فيهم خلاص فقدت تركيزي ههه بس بالنهايه شي بيضيف لكم معرفه كبيره خصوصا انه بأخر سنه .. اما عن الدكتوره ما ودي اظلمها ما شفت منها شي شين .. الاختبارات كانت مستواها من صعب الى متوسط مو شي سهل ابدا
ماتتساهل بالبروجكت اببدد ولو نقصتكم تقول لكم ليش بس ترا عادي لو كلمتوها ^واقنعتوها ^ ممكن ترجع لكم الدرجه. من ناحيه الشرح معتمده عليها شوي تحسون شرحها عشوائي بس اذا جيتوا تدرسون بتستوعبونها مهمه النوتس اللي تقولها اختباراتها مو اسهل شي بس يعني اللي خبري خبركم بنات شيكوا عليه تقلب فيه واجد In general كيوت الدكتوره والله وصبوره مره واسلوبها مره محترم صدق
صح إني مخسوفة في البروجكت بس ما بنزعل منها والله ، متمكنة اسم الله عليها اعتبروها من الكلاسات اللي تثقفكم في التخصص وراح تحيونها جدا الحمدلله يا رب ان ختامي معاها بغض النظر عن الدرجات ،وعلى ذكر الدرجات لكل مجتهد نصيب في قروبات قريبين للفل وشغلهم تبارك الرحمن على مستوى
ختاميه حلوه لمسيرتي الجامعيه جد استفدت منها وبالنسبه لي افضل محاضره بالقسم، المقرر نفسه حلو وفيه معلومات متكرره وطالع حلو كانّه مراجعه لكل شيء درسته فجد طلعت مستفيده ومستمتعه، البروجكت حلو وقريب لمحفظه بعد اول ريبورتين بتبدون تستوعبون وتتحسنون وهي واضحه بالمعايير وتساعد وترد لو عندكم استفسار، الاختبارات لازم تذاكرون كويس ومهم شرحهااا مرره ويعتبر المستوى صعب بالذات الصح والخطأ ولكن يمديكم عليها
كوين المالية رائعة بالشرح فوق الوصف قمر الصباح لما ندخل الكلاس تبتسم, تشرح من كل قلبها وفاهمه مره اختلف مستواي بفهم التخصص من مقرر واحد معها بسسس, تساعد مره حتى بالاشياء التخصصيه خارج المقرر بأختصار احبها موت اختباراتها لڤل مختلف واشوفها اصعب اختبارات مرت علي, ماشفت القريد لسا لكني غير مطمئنه نقصنا بأعمال السنه كثيير لكن بالختام مايقدر الواحد يزعل منها مدري ليه
حنونه اكثر انسانه عسل وخيال، شرح ولا احسن وتعامل خيال واذا الشعبه مخسوفه بالدرجات تتفهم باختصار افضل دكتوره تشرح بقسمنا