عبدالرحمن عبدالعزيز الربيعة

شرحه جيد بس احيانا تضيع معه ودك لو يركز اكثر على بعض النقاط ، شابتر 5 شرحه كان ماش ،مشكلته الاختبارات الميد كان طويل مرة والفاينل كان صعب جدا الصدق بس بالنهاية دفنا دف موب طبيعي الله يجزاه خير ، ليت لو المادة فيها خصوصي يفهمك ويعلمك المهم لان المادة ثقيلة وتحوس

الصدق شرحه ماش، و يخلي كل محاضراته عن بعد يعني التركيز صفر معه، الميد كان سهل وما قصر معنا في التصحيح بس شقنا في الفاينل باسئله من تحت الارض مدري كيف جابها . السلايدات حقت الماده مخييييييسه و ما يمديك تفهم الا بمصدر خارجي لان الدكتور ما يسجل المحاضرات. على العموم دكتور مقبول نشوف القريد اذا كانه بيدف بيصير ممتاز .

حطيت يخصم عالغياب بالغلط، ذالترم كان الدكتور كارثة في الاختبارات

الله يسعده يشيخ , عطانا فاينل صعب جداً لكن شاتنا بالقريد الله يسعده

محاضراته أغلبها عن بعد وشرحه ممتاز (لا تنام بالمحاضرات بعدين تقول ما نقدر نركز زي الي تحت) التحضير نهاية المحاضرة ومتعاون ومرن بشكل كبير، الميد كان سهل لكن الوقت كان ضيق ، الفاينل كان صعب يدخل بتفاصيل ويختبر فهمك على المنهج كامل، لكن بالنهاية دف كل الطلاب بشكل مو طبيعي رفسنا ترفيس الله يجزاه خير

يا رجال على سلح الي يقول لا تنام بتفهم، حتى مقاطعه المسجله ما تفهم شيء. دكتور رهيب و يسوي الي عليه لكن شرحه مب ذاك الزود وش المشكله اهم شيء يبذل كل جهده.

اختباراته جداً صعبه الميد كان الاختبار طويل جداً ولا يوازي الوقت المخصص له كان كارثي ولكن تصحيحه رقع الدرجات والفاينل أيضا كان جداً صعب فوق ما أن كل المنهج معك داخل في تفاصيل التفاصيل والاسئلة النظريه كانت هي الأصعب

اسطوره صح انه يشخطك بالاختبارات بس بيدفك دف مب طبيعي

اذا ركزت بتحل زين في الاختبار

الأفضل في الجامة 💚