الدكتور حريص انك تفهم ويعيد لم المثال اكثر من مره ما عنده مشكله. وخدوم جدا وعنده ساعات مكتبيه بشكل كبير واحرص انك تروح له حتى ولو انك فاهم بيفيدك مره. الدرجات كويس يعطي حقك بالمختصر. الكويزات واجده ولاكن لها فايده ومعقوله مرات يحيب من الكتاب او نفس المستوى.
الدكتور الاسطورة خالد الخالد درست عنده 201 وايضا 446 الدكتور تعامله رهيب وسهل التواصل وشرحه جدًا ممتاز ، تصحيحه في مادة 446 كان ممتاز ويصحح بنقاط مب درجات لكن تضايقت في شيء حلي كان من السلايدات " مصدرنا " ونقصني شيء مايسوى صراحة بس انه السبب كان غير مقنع وهو ان فيه طالب حل افضل مني طبعا ماعليها ولا ربع درجة بالاخير بس استغربت السبب دفنا بالكويزات ، ميداته متوسطه ، فاينله مب مستحيل يبيك تفهم بس …. المادة نظري بحت حتى معادلاتها مايجيب منها الا قليل جدا جدا ، انصح فيها
أعظم دكتور في جامعة الملك سعود.
التقييم بدون تعليق
والله انه افضل دكتور مر علي الى الان تعامله يحسسك ان الامور طيبه حتى لو هي هاجه وشرحه يغني عن اي مصدر ويركز عالاخطاء الشائعه للطلاب ولو تساله فالساعات المكتبية م يقصر ابدا وتصحيحه الافضل يحاول بقدر الامكان يعطيك اعلى شي يقدر يعطيك اياه
والله من افضل الدكاترة الي درسوني في الجامعة ٬ تبيها بالشرح جداً ممتاز ومستعد يعيد الشرح اكثر مرة عشان تفهم واذا مافهمت نقطة ماعنده مشكلة يشرحلك في الساعات المكتبية والكويزات يجيبها من البربلمز في الكتاب ومن ناحية الميد هو المنسق لكن الأسألة مشتركة بين الدكاترة وخذها مني تصحيحه فوق الممتاز ومن ناحية التعامل والله انا اخلاقه عاليه ورجل جداً محترم اقسم بالله اني اعتبره اخ كبير اكثر من دكتور الله يسعده ويوفقه دنيا واخره
الحقيقة كنت احضر معه واركز وما احتجت مصادر خارجية شرحه ممتاز ، كويزاته من الكتاب و تصحيحه يعطيك حقك
مرن في الحضور و لانصراف
دكتور فوق الممتاز الكويزات يعطيك حول ١٠ تقريبا يحذف منها ٢ او ٣ الكويزات من الكتاب بعد كل درس اقعد حل اسئلة الكتاب من ناحية التصحيح يعطيك حقك والشرح حقه يغطي كامل المنهج ويركز على الاشياء اللي دايم يغلطون فيها الطلاب
الدكتور للاسف انه تغير عن قبل مادري وش السبب، التصحيح سيء جدا وعادي عنده يصفّرك على السؤال، وكويزاته كثيرة مرة ولازم تذاكر لها مذاكرة ميد، المادة مهمة مرة ولازم تعديها باي قريد ولكن الدكتور الله يهديه مب قاعد يتعاون معنا بالتصحيح، ولكن بالكويزات (بعض) المرات يتعاون وياجل لنا الكويز