الدكتور يدقق في التأخير شرح شوي ممل
الدرجات على الميد الاول 20 والثاني 25 وعلى الحضور 5 درجات وثلاث تكاليف عليها 10 درجات، الاختبارات متوسطة الصعوبة لازم تذاكرها مذاكرة جادة عشان تاخذ فل اما مذاكرة تسليكية بتجيب العيد، والتكاليف تراه يقراها ويصححها وينقص عليها لا تسلم له اي كلام حاول تعطيه شي متعوب عليه عشان تاخذ فل فيها، مشكلة الدكتور تكاليفه متعبة كلها من 3-4 صفحات وبخط اليد، عدا ذلك الدكتور رهيب والA+ مقدور عليها معه.
السلام عليكم بختصار الدكتور بيعطيكم تكاليف ٣ و كلها بخط اليد ولازم تكون كاتب شيء صدق مو اي كلام لانه يقراءه في البيت و ينقص اللي كاتبين اي كلام و خلاص الميدات أعطنا ميدين الميد الاول كله اختيارات و الثاني اختيارات و سؤال اذكر الدليل و كانو كلهم سهلين (اذكر الدليل مثال قال اذكر دليل على وجوب زيارة الام حتى لو كانت مشركه ) وانت تكتبه بالنسبه للبونس على كلام المنسق ان الدكتور قاله أنا أدف كل طلابي اللي باقي لهم درجه او درجتين على القريد اللي بعده و ما اطلب منهم شيء . أنصحكم بالماده و الدكتور .
عطانا ٣ تكاليف جميعها من ٣-٤ صفحات وكلها بخط اليد ، يحب اللي يجلس في اول صف و يجي بدري و ما يغيب ، في اختباراته الميد الاول جاب اكتب الدليل مع انها ما كانت صعبة الا ان اللي انخسفوا كثير اتوقع لانهم ما ذاكروا الادلة ، الميد الثاني خلاه سهل مره علشان اللي ما جابوا درجة زينة في الميد الاول ، محاضرته على الرغم من انها طويلة الا انها كانت جداً ممتعة بالنسبة لي
اذا ركزت بتحل زين في الاختبار
لا تنزل عنده الا وانت منحد و ضروري تكون متفرغ للتكاليف الكثيرة الي يعطيك اياها + بيستقعد على تصحيح التكاليف
محاضرة طويلة و ثقيلة
الدكتور محترم جدا وتعامله ممتاز، بخصوص الاختبارات اذا انت مذاكر راح تحل الميد الاول كان فيه ادلة كثير و الميد الثاني سهله شوي، بخصوص تصحيحه يعطيك حقك، اما التكاليف عطانا ٣ وكلها بخط اليد ويخصم عليها مايمشي اي شي، بالنسبة للحضور يحضر بالبدايه بس ماعنده مشكله يحضر بالنهاية، مجملا الدكتور مو سيء ويمديك تجيب A+ اذا شديت حيلك شوي بس.
يعامل الماده كانها ماده ام 6 ساعات اختبار ب ادله وتكاليف لين تتعب ويحضر من اول دقيقه وبعدها تأخير عموما لاتنزل عنده نصيحه لوجه الله
اذا ركزت بتحل زين في الاختبار