اخذت معه تدريب، حبيب ويرد والتقرير بسيط والحمدلله عدينا
الدكتور تعامله ممتاز الشرح ممل شوي لكني هذي طبيعة المادة واتوقع لو يشرح مادة ثانية بيبدع بشرحها الدرجات الاختبارات مقالي بس غالبا يمشيك بالتصحيح وما دف بالأخير اتوقع لانه الآفرج عالي
التقييم بدون تعليق
لو ودك بمادة اختيارية مب صعبة خذ صحة مع الدكتور بدر، صح ان محتوى المادة غريب ومايعجب الاغلب لكن فالجامعة دور الدرجات نصيحة، الدكتور شرحه يجيب النوم ويطول مره وغالبا ياخذ وقت زياده، لكن تعامل راقي ومتعاون جدا واذا نقصت درجات فيه بونص تسوي بحث واذا تبي بونص زيادة تسوي برزنتيشن يعني الي يبي يعوض بيقدر، الميد ممكن يكون صعب حبتين لكن عوضنا فالفاينل جاب اختبار مشابه جدا لاختبار الترم الماضي وكان سهل مره، انصحكم تنزلون عنده فمادة صحة فقط.
الدكتور هذا اسطورة اختباراته سهلة وبالتحضير كان متساهل بس عطانا اشياء نذاكرها للاختبار من برا المنهج بس جابها بطريقة سهلة مره وفالنهاية ماقصر فالدرجات
بصراحة المادة كلها overrated وما حبيتها .. فيها تشابترات صعبة مره وفيها تشابترات تافهه مره، آفرج الميد ١٩ من ٢٥ فما اشوفها مادة قريد ابداً، للاسف اغلب الترم كان حضوري ومحاضراته تجيب النوم بشكل فضيع ويتأخر وياخذ وقت بعد ما تنتهي المحاضرة، تعامله ممتاز .. والتحضير يحضر دايم، يده خفيفة إلى حدٍ ما بالمقالي أما بالنسبة للدف انسى يدفك يعطيك حقك وبس
بالشرح يشطح واجد وياخذ زيادة عن وقت المحاضرة لكن كاختبارات ودرجات وتصحيح رهيب جدا وخيار ممتاز اذا تبي تطلع بقريد والتعامل محترم جدا وممتاز
دكتور اخلاقه جميله جداً الشرح هو كويس بس الي اشوفه انها مادة حفظ مب فهم اختباراته كثير من الاسأله السابقه و كثير منها مب موجوده بالسلايدات لازم تذاكر الاسأله السابقه و ك درجات ما قصر ابداً ٥ درجات بونص للكل وفوقها الاختبار النهائي من ٤٢ يعني ٢ بونص و فوقها الي ينقصه درجه ع القريد يعطيه
الدكتور اسلوبه جدا محترم وراقي واختباراته اكثرها اختبارات سابقه، بالفاينل دفنا قريد ونص واذا ناقصك درجه يزودك للقريد الي بعده، باختصار درجات مجانيه بس مادته تجيب النوم واسلوبه شوي بارد
الدكتور يلعب باعصابك شوي يغيب كثير ولا يعطيك خبر حتى، اذا عندك بريك طويل قبلها الله يعينك، اختباراته غريبة السلايدات غيرها بترمنا لكن ما زال يجيب من السلايدات القديمة، بس بالنهاية من ناحية درجات ما قصر دفنا، باختصار اذا انت انسان بارد وما يهمك القريد نزل عنده وانت مرتاح غير كذا ما انصحك تنزل عنده.