سارة السديري

مافيه تنوع بطريقة التقييم كله اختبارات و٥ درجات للحضور ، تخطط معكم بس برضو الكمية كبيرة على ميد، اغلب اختباراتها موضوعية بس بين السطور وفيها تريككااات لازم تركزون بسهولة تطير القريبات

نظامها تقوم البنات يقرون بعدين تشرح النقطه اللي قروها كمية المذاكره اللي تعطيها لنا كثييره واختباراتها موضوعيه لكن تريكات صراحه ويبي لها تركيز وانتي تحلين ونهاية الترم علمتنا بانها تخصم على الغياب وهذا النظام ما علمتنا فيه الا اخر الترم وغير متعاونه صراحه واعتذرت عن الماده

احبها والله صحيح انها ما تشرح كل اللي تسويه تخلي البنات يقرون وهي تشرح الاشياء الغامضة بس تخطط وفعلاً تخطيطها يجي مثل ما هو ما يزيد ولا حرف واذا قالت الشيء ذا مهم فهو منجد مهم وبيجي، السلبية الوحيدة ان الجزئية كبيييييرة يعني توصل ٢٠٠ صفحة بس طبعاً تحذف كثيييير اسلوبها شوي لكم عليه، بس اختباراتها تجميعات ونمط بعد في الصح والخطأ الميد الأول فيه مقالي بسيط الميد الثاني والفاينل مافيه، احبها مرة مرة اخذت معها مرتين ومستعدة اخذ بعد

للامانه غير متمكنه من الماده ابدا ، المحاضره ممله وعبارة عن قراءه ، تعاملها غير جيد

تحتاج مصدر ثاني لفهم المدة

تحتاج مصدر ثاني لفهم المدة

الاختبارات سهله فيها كم تريك بس غالبا سهله، المحاضره مملة مره كلها قراءة، التحضير كانت تقول بتنقص عليه بس باعمال السنة ما نقصت، عادية غالبا مارح ارجع انزل معاها بسبب الملل بالمحاضرة والتعامل بس سهل تمشون معاها وتطلعون بقريد زين

اكبر ندم اني نزلت عندها ما تشرح ابدا والاختبارات عندها الاسأله اكثرها موضوعيه بس بين السطور ولا اتوقع احد جاب عندها كامل، صح تخطط بس تعطي كمية صفحات مهوله المادة اصلا دسمه والكميه تدوخ اذا بتنزلون عندها ما انصح

بناء على تجربتي مرتين منزله معها تاريخ والحين مرافعات ١ الشرح قراءة ٢ التحضير عليه درجات ٣ ماتعطي تكاليف ٤ حاولي تحددين معها تطمر اشياء كثيره ٥ اسئلتها سهلة جدا اذا مذاكرة اغلبها اختياري وحول ٤ اسئلة مقالية والمقالي تافهه سهل مره يعتمد على فهمك ٦ ماتحب احد يسئلها بالاختبار وفعليا الاسئلة واضحة مدري ليه يسألون ٧ احيانا تغيب ولا ترسل ايميل جبت بالمادتين الي نزلتها معها A بطلة جدا وتناسبني خصوصا اسئلتها واضحة وماتحتاج تفلسف ولا تكون من بين السطور بس افهمو الي خططتوه وخلاص حتى شرحها ماتحتاجونه😂

اخذت معها مرتين وكلها نفس الطريقة اختبارين وكلها موضوعيه واذا جابت مقالي تجيب شيء بسيط لكن الموضوعي حقها يدوخك ماتدرين وش ذا وتصدمك بالدرجات صراحه لانك تتوقعين شيء وتطلعين ناقصه دبله حتى وانتي مذاكره وحاله صح اما بخصوص الشرح ماتشرح هي تقرأ وتخطط بس واسلوبها وتعاملها مُش ولا بُد مع الاسف