منى العجلان

خذيت مهارات بيع الدكتوره عسل مرا المقالي تقول تعداد في المحاضره تقول ذا مهم وهو الي يجي بالكويز عطتنا فل دكتوره كويسه اختباراتها متوسطه إلى صعبه شوي الدكتوره مشاءلله عليها طاقه ايجابيه انزل ثاني مرا معها

كيوت الدكتورة اخذت معها تسويق ماده موحده الصدق، ما تهتم للحضور ومحد أخذ حرمان عندها الحلو فيها انه ترد ايميل بسرعه وعطتنا بونس مدري كم الصدق بس انا كان باقيلي درجه ونص على القريد اللي بعده وعطتني اياها الشرح عادي حلو اصلاً ماده نظريه مافيها شرح

الله يسعدها ويدخلها الجنة صح الاختبار كان صعب والأغلب طلع منه منهار وكنا خايفين نحمل او يطير كذا قريد لكن الصدمة دفتنا دف وجبنا قريدات فوق التوقع🥹وربي مابنساها بدعي لها داييييم الله يفرح قلبها

الميد كان حلو معقول لكن الفاينل كان صدمه صدمه يروع وجاي من الكتاب مو سلايدات لكن شهادة حق شرح ممتاز ووضحت لنا المشروع ولو سألنا عن شيء وضحت لنا بخصوصه وسلمنا المشروع والحمدلله درجة مرضيه جداً الي نقصتهم اعتقد عشان تأخرو بالتسليم او ما التزومو بالمعايير المطلوبه للمشروع الله يوفقها بس مستحيل انزل ثاني عندها جتني روعه

ما اعرف احد جاب درجة كاملة

ماشفت منها الا كل خير، صح نقصتنا نص بالمشروع ولكن في المقابل دفتنا بالفاينل مايُقارب قريدين، أشوف انها خيار جيّد خصوصًا إن مابيدها شيء كثير من الدرجات

كنت انتظر الترم يخلص عشان اكتب عنها يا الله أسوأ دكتورة قد اخذت معاها مافي ولا شيء يشفع لها غير انها جبرت درجه الميد و نقصت في البروجكت .. ولا ترد على الاستفسارات ودائماً وابدا هي صح واحنا غلط حتى لو هي غلطانه و مجموعنا ما شفناه الا قبل الفاينل باسبوع و حسب ما عرفنا الفاينل هي كاتبته وكان يروع رجع لي شعور الكمي انا ناجحه او لا باختصار انحاشو

اشوفها كويسه مابيدها درجات

الله يسعدها و يوفقها 💚

ماكان ودي اكتب كذا ولاكن للاسف هذا الصدق مايعجبها العجب ونقصت الجميع بدون سبب مع ان مشاريعنا كانت رائعه وماكان فيها ملاحظات وبغض النظر عن الدرجات التعامل👎🏻👎🏻👎🏻 دايم هي الصح مع ان الغلط شايفينه بعيونا