كان عليها سب مبالغ فيه وخفت لما نزلت المادة عندها لكن الحق ينقال والله أنها عسل ويسرة ومتعاونة وأختباراتها ومنهجها سهل جدًا وتكاليفها كانوا عرض وبحث العرض عطت الكل ١٠ حتى اللي أنتقدت عرضهم فقط شديدة في التحضير والتأخير وتعاملها حلو ولطيف جدًا وتحب التفاعل والمشاركة في الكلاس وتحذف جزئية الميد من الفاينل والاسئلة موضوعي صح وخطأ ومقالي تعداد وتعاريف وسهله جدًا وواضحه ومباشره وتحدد الصفحات اللي داخله معكم في الميد والفاينل
الدكتوره حليله ولطيفه واسئلتها تافهه جدا جدا جدا عيبها الوحيد تخليك تحفظين تعاريف كثيييييييره، عندها تكليف بحث وعرض دقيقه شوي في البحث، دقيقه مره في التحضير
صدق انها حليلة تحدد اختيارها مشكلتها مقاليه وعليها درجات ١٥ درجة مضمونه اسلوبها كويس هو مشكلتها بالاختبارات يعني الي لها حيل تذاكر تنزل عندها والي اعرفهم ماحملو الماده عندها
احس بدايت الترم مرررره تشدها بالتأخير بعدين خلاص ماتهتم اختباراتها سهله بس مشكلتها مقاليه وعليها درجات كثييير يمدي تجيبون A+ بس احس في مواد افضل ك حره اذا انتم بنات اداره لكن لو انحديتوا عليها عادي خذوها وميزتها انها تحدد قبل الميدات والفاينل وغالباً ماتتعدا ٤٠ صفحه او ٣٠
كنت متخوفه منها بالبدايه بس بنات تراها عسل تسولف كثير و شديده على العبايه لازم تفكينها لكن عسل تعامل كل الكلاس كنّهم بناتها واقولكم راعية سوالفف ماتوقع تعطي بونس بس مارح تحتاجون لان اختباراتها واضحة وماتتعدى ٣٥ صفحة و١٥ درجة بالجيب من التكليف الجماعي اهم شيء عندها تحضرينه و بتعطيك الدرجة كاملة و من ناحية الغياب ترا تبين أنها شديدة لكن بنص الترم بتقولك إنها ماتحسبه بالعربي ماتعطي حرمان عشان غيابك
تراها تسوي نفسها الدكتوره الشديده ولاهي مره طيبه يابنات لايغركم تقييم البعض اذا لقيتيها نزلي عندها سلبياتها تدقق في الحضور وفك العبايه وقت الكلاس ماتبي احد ماسك الجهاز ولا المشروبات واختباراتها مقالي بس ايجابياتها اكثر من سلبياتها تحدد للميد والفاينل اقل من٤٠ صفحه نشاطاتها بس تحضرين تضمنين ال١٥ درجه تتفهم اللي عندهم اختبار وتطلعهم ابكر الصدق اشوف تقييم اغلب البنات ظلم لها ولو انعادت لي برجع انزل عندها
اذا ركزتي بتحلين زين في الاختبار
دكتوره عسل اكتشفن ان السب يجي من البنات اللي ماينتبهون لها وقت التحديد حرفياً بالكلاس سوالف لكن وقت التحديد تراها كل شيء تقوله بيجي مستحيل تطلع عنه ركزو معها وقت التحديد بس وصدق دكتوره حسيتها ام اكثر من انها دكتوره فعلاً امي وقلبي لن انساها من دعواتي مادمت عايشه واتذكرها
الدكتوره عاديه مو صعبه مره على مايقولون اخذت معها مبادئ كانت تحدد الميد والفاينل واسئلتها معقوله مقابل بعض الدكاتره اللي صدق يصعبون الموضوع ويعقدونه يعني لو طلعت لك وماعندك غيرها عادي نزلي عندها
المادة سهله ولكن معطتها اكبر من حجمها ومصعبتها مراجعها من الكتب اختباراتها مقاليه وصح وخطأ مع تصحيح الخطأ توزيع درجاتها مش ولابد لو يرجع فيني الزمن ما نزلتها معها حرام تنقص بماده ثلاث ساعات، شديده في التحضير