بداية الترم كانت كويسه وشرحها ممتاز للامانه بس لين عدا الميد الاول وجاء رمضان فصلـ*وا لا هي ولا نهى طول رمضان سافـ*هينا ومافي محاضرات لين قرب الميد الثاني نزلوا المحاضرات تسجيلات وانضغـ*طنا بكم يوم نختم وعديناه بس تكرر بالفاينل حددوا جزئية محذوفه وجاء منها وكانت ١٠ درجات حذفوها بعد ماتكلمنا لكن درجاته تقسمت على الاسئله وصار الخطا دبل وهذي مصيـ*بة كلمناهم كان ردودهم سيـ*ئه!! سلوى تقول انشرحت لكم وبلا دلع وطول الترم ردودها ماش حتى بتحديد الاختبارات تقول احمدوا ربكم نسمع لكم! رجعوها مبادئ افضل🤣
التقييم مره ظالمها بالنسبه لي درست معها تطبيقات وكانت الماده نفسها سهله
الدكتوره محترمه جدا وحبوبه ماقد دخلت علينا منفسه ولا قد كلمتنا باسلوب شين ومتمكنه جدددددا من الماده تشرح بحب وعادي لو تسألينها ٢٠٠ مره وتصحيحها كووويسس حتى اذا شفتي ورقتك وناقشتيها بغلط عندك ممكن تمشيه لك"اذا كان بسيط طبعا" والله ييسر لها امورها يارب ويسعدها🤍🤍🤍🤍 والتقييمات الي هنا اشوفها غير مُنصفه لها الصراحه وظالمينها مره
صراحه مادة حسب ٢٠٢ يبيلها جهد منك اكثر من الدكتوره ، اذا تتلقين وبس ماراح تجيبين قريد كويس ، د.سلوى كانت محترمه وتشرح بالأمثله وتحاول قد ماتقدر توصل المعلومه وسريعه بالشرح بس إذا سألتيها تجاوبك زين ، مافي بونس والكويزات اونلاين فيه كويز نست تنزله وخلته بونس خذت مصدر ثاني لان الماده ثقيله ، الدكتوره تتأخر مرات وممكن تاخذ وقت زياده وماتحضر بس إذا خلصنا عالوقت تحضرنا والتمارين كنت معها مرات تخلينا مع د.خلود ومرات معها فشوي تشتت بالنسبه لي ان امشي على التمارين مع دكتوره ثانيه بس انها كفت ووفت بالشرح
ما اشوف تستاهل كل هذا السب تراها كويسه شرحها عادي هي تكون فاهمه بس ماتعرف توصل المعلومه للطالبه تصحيحها كويس محاضره تمارين تعطي كويزات وكويزاتها متوسطه وتراها كويسه يعني لو نزلت لكم وبرضو ماهي افضل دكتوره تدرس الماده
شرحها مقبول ولكن برأيي تحتاج مصدر ثاني لفهم المادة، بالنسبه للحضور ماتركز فيه لانها هي اصلًا ماتجي الا بعد مايبدا الكلاس ب٢٠-٣٠ دقيقه! و رفضت تعطينا بونس تقول درجاتكم بفعل يمناكم
التقييم بدون تعليق
دكتوره سلوى محترمه وأسلوبها يهبل تعطيك حقك انتي المسؤوله عن درجاتك لكن بالنسبه للدكتوره تهبل والتقييم ظالمها مره إذا نزلت لك لاتخافين والله انها محترمه وطيبه وتشرح من قلبها عيبها الوحيد التحضيري كانت حريصه عليه
شرحها مره حلو ويجنن واذا مافهمتي اي شي تعيده وكنت معتمده طريقه حلها لان دكتورتنا في التمارين كانت مو كويسه نهايه كل وحده كانت تحل معنا أمثله خارجيه ودايم تجي منها افكار في الاختبار كيوت وكانت متعاونه معنا ف لاتخافون منها التقييم طالمها صدق
ما اعرف احد جاب درجة كاملة