الاغلب يقول انه ما يدف بس انه دفني قريدين الله يسعده ويوفقه 🩵
اذا انحديت عليه كمل معه عادي مشكلته ما يدف عطانا ميدين عن بعد و واجبين ولازم تسوي اللي يقولك بالضبط والا بتنقص بالواجب. النهائي قالنا اذا كان باقي لكم درجة او درجتين اعطيكم اياها ملخص كلامي مب الافضل بس يمشي الحال
عسل ويدف اذا باقي لي كم درجه عالقريد بشرط انك تحل الاسئله اللي بعد كل وحده وسهل حلها ماياخذ دقيقتين تكاليفه ماكانت صعبه سهالات ودكتور عسل يالربع
يالربع من الاخير الماده مب صعبه والدكتور كويس ويدفك قريد اذا انت تحل الأنشطة الاختيارية بالتوفيق ١٠٧سلم.
دكتور متوسط ، ميدنا كان عن بعد وقال إنها اول مره يسويها لان صادف في رمضان ، مجهز لك تقويم بالتواريخ عن أوقات المحاضرات التزامنيه وغير تزامنيه ، ما أتوقع انه يدف اكثر من درجتين ، عطانا واجبين شروطهم كثيره لكن مقدور عليها ، أنا جبت فل بالواجبات لكن فيه ناس نقصو ، ميزته يرد على الأيميل بسرعه
نصيحة لاتغيب، حل التقاويم الذاتية ليه عشان هو يقول اذا شفت طالب ناقصة درجتين ثلاث على القريد اشوف اداءه بالترم واقرر اذا ارفعه للقريد الي بعده او لا وبالواجب اذا سويت الشروط الي حاطها يعطيك كامل مافيه شيء تعجيزي او غريب الواجبات سهلة والميد اذا كان عن بعد نصيحة لاتغش لانها ماتسوى والدكتور مايقصر بالدرجات
ممتاز الدكتور يسوي الي عليه وما يقصر بالحضور بس ما يدف ابد ولا يعطي فل مشروع الا اذا شادها انت واخوياك لكن الحق ينقال بيعطيك حقك وميد حقه سهل لكن لا تدور بونص عنده
المنتصف سهل (خيارات وصح وغلط) المشروع عن كتاب وعلاقته بالمقرر . نقصنا بس كلمناه وعطانا الدرجه كامله . لو عندكم اي اشكاليه كلموه وبيتعاون معكم
حبيب جدًا ومحترم لابعد الحدود، يهلي ويرحب اذا جيته، ما يدف للاسف ابدًا ولا يعطي بونصات ابد ميد واحد ومشروع
الدكتور هذا اول ترم له وكانت معايير التصحيح المشروع ماهي واضحة بشكل كامل ، يعني انا ماخذ بالمشروع كامل لكن اللي معي بالمشروع ناقصين مدري ليه . بس كلموه الشباب وعدل الدرجة وبعضهم مازادهم . عالعموم الدكتور ممتاز جداً ولكن ك درجات الرجال شديد جداً شوي عليها فيه كذا واحد كان باقي لهم درجة ولا دف . بالمختصر اذا شفته نزل عنه خيار كويس ممكن يتعدل بالاترام الجاية