زينب الفار

الماده صعبه وكلام كثير بس انك راح تطلعين فاهمه لان شرحها مره كويس وتعطيك امثلة مقاربة للي راح تجي بالاختبار ، التعامل ماشوف ان فيه شيء لو كانت بيوم شديده الا لانها تبي مصلحتنا وتبي نشد حيلنا اكثر بالفاينل

شرحها رائع، وحريصة مره على طالباتها من ناحية الشرح .. درجات المشروع مره ممتازه ما تنقص الاختبارات موحدة صدق تستفيدين من تدريسها ممتازة

اخذت عندها ثلاث مرات ولاحظت انها تغير اسلوبها معنا وصارت شوي شديده والاسلوب ماش شوي لكن شرحها لا غنى عنه ابد .. تبسط لك المعلومات بشكل كبيير وتعطيك امثله على كيف ممكن يجي سؤال يعني بإختصار الشرح اسطوري وحتى ماتطول بالمحاضره وكويزاتها سهله .. الاسلوب حلو لكن لعلها تغيرت شوي بادلت تو بس طبعاً نزلوا عندها وانتوا مغمضين

شرحها مررررره حلو لاتفوووتكم تشرح من قلب وبشكل مختصر ومفهوم جدًا، كويزاتها سهله واونلاين، تحب اللي يشارك معها مره

شرحها يعتبر جيد لكن مب واو وتكاليفها تمشور الواحد برا كليته في اوقات خارج الدوام نشتغل لها على درجة ماتسوى غير اسلوبها الي يعتبر سيئ

شرحها مره حلو تشرح من قلب تفهمك الماده وهي صعبه، اسئلتها وسط مو سهله ولا صعبه اذا ذاكرتي كويس بتحلين ، اسلوبها عسل معانا يالطالبات كانها اختنا الكبيره متواضعه جدا وقريبه مننا❤️الله يوفقها ويسعدها

شرح الدكتورة الأفضل بالكلييية صدق وعسل مرة واخلاق الله يوفقها يااارب تفهمكم زين والمعلومة تلصق بعقلكم🤍🤍🤍 والتكاليف قلبلة واسلوبها عسل وتهتم لدرجاتنا دايم بالشرح تقول امثلة بتجي بالاختبار ، نزلوا عندهاا والله عشق 🤍🤍🤍. البونس حسب مستوى الاختبار والدرجات مو من الدكتورة شخصيًا بس صدقوني اسمعوا الشرح وماراح تحتاجون

خذيت عندها ادلت ون وتو وقريداتي فيها تفتح النفس مانزلت عن الA بالرغم من انو المواد ذي تعتبر صعبة شوي شرحها كويس مرة وتبسط لكم الافكار خصوصًا بأدلت تو كان واضح انها فاهمه المادة صح🤍 احبها اتمنى ادرس عندها بالاترام الجاية الله يسعدها وييسر لها💗

دكتورة شرحها حلو مره يعني صدق كنت افقد احد يفهمني زين وهي ما قصرت بهذا الشيء، اختباراتها سهلة، تحب اللي تشارك و تتناقش بالمحاضرة بس نصيحة خلوا الدكتورة تشرح واذا انتهت تكلموا لأن بعض الاحيان يتشتت انتباهها اذا كل شوي نقاطعها، شديدة بالحضور و تتضايق اذا فيه بنات غايبين كثير تحب الانتظام، ما تحب الاونلاين وهي كانت واضحة معنا من البداية وش الاشياء اللي تفضلها و الاشياء اللي لا. ودايم الشيء اللي بمصلحة البنات تسوية لمصلحة البنات،ماعندي مشكلة اخذ معها مره ثانية

اذا ركزتي بتحلين زين في الاختبار