الله يسعدها و يوفقها 💚
افضل دكتورة عندي متعاونه جدًا وتتفهم ظروفك الله يسعدها وين ما كانت محاضراتها ممتعه وماتحسي في الوقت عندها مرنه في الحضور اغلب الأيام ماتحضّر تحط بونس ممكن 3 درجات في اختبارات الميد تحطها كأسئله سهله ما تدقق في الاجوبه كثيره وتحاول تطلع درجات لك من بين الاجوبه وبعض الأحيان تعطينا تمارين نحلهم كبونس شكرًا دكتورة ابتسام
الدكتوره كويسه بس ما اعجبني شرحها صراحه احتجت مصادر خارجيه تعاملها كويس عادي تشرح لك لو ما فهمتي اكثر من مره وتسال كل شوي بالمحاضره واضح واضح الاختبارات وسط الي صعبه شوي تعطينا بونص في الاختبار وبرضوا اساله نحلها بس تدقق فيها مره مره بخصوص التدقيق بالاختبارات تدقق وما تدقق على حسب كانت كويسه تحط المحاضرات عن بعد في حال اختبار او مافيه الا محاضرتها متعاونه مره
تجبرك تحترمينها 💚
لا تشيلين هم درجاتك عندها تعطي بونس وتراعي بالتصحيح كثير وحتى ما تهتم مرة بالتحضير شرحها متوسط لو تحضّرين الدرس قبل المحاضرة بتمشين معاها كويس مراعية لأبعد درجة إذا نزلت لك مادة عندها أنت محظوظة
الله يوفقها ويسعدها يارب اكثر دكتورة متعاونة بكل قسم الريض وودي اقول على مستوى الكلية بصراحه التعاون الي قدمته لنا اشوفه بالكليات الثانيه مامر علي دكتورات من كليتنا كذا الا هي ، عطتنا واجب بونس عليه خمس درجات وقسمتنا مجموعات كل مجموعه ١٠ بنات تقريبا ، كل كويز وميد تحط فيه بونس درجتين او ثلاث بصراحه اغلبهم كانوا شوي صعبين بس فيه واحد كان ابد مو صعب ، البونس تجمعه لك وتزيده لك حتى بعد الفاينل ، حذفتلنا اشياء كثيير واذا شافت شي صعب علينا حذفته واي شي نكلمها عنه توافق مره مره متعاونه بس الشرح مو مره
عادية مب شينة ولا زينة ، بس كتكوتة مرة
شرحها حلو وواضح وتعيد وتزيد علشان تفهمون وتتقبل الاسئلة مرة فخذوا راحتكم وركزوا عيبها الكويزات حقتها تختبرك على الاختصارات يعني تطلعين الحل صح بس كل الخيارات مختصرة الحل
عندي تحفظ على موضوع الدرجات بالنسبة للشرح نفس ماقالوا البنات عادي تعيدلك لما تفهمين ، والفاينل خذوها مني ركزززوا على تجميعااات الطلاب اذكر قريت ان المنسق يكررها كثير وفعلاً فيه سؤال او اكثر تكرروا، الاختبار ماكان تعجيزي(لاتستهينون فيه) او خارج اللي درسناه بس مشكلة البنات انهم ذاكروا تجميعاتنا
شرحها معقول لكن تطول تعيد وتزيد و تحوسك ، تاخذ وقت طويل بالشرح .. ما كانت تتجاوب بالأسئلة اللي بالشات اللي بالاونلاين .. خلصنا المنهج على اخر اسبوع قبل الفاينل باسبوع وتاخذ كلاسات زيادة إضافيه .. ما تتعاون معك.. ما ترد على الايميلات حتى لو شيء مهم .. فاهمة المنهج هي صراحة بس تقهر ..