الحقيقه مادة اقتصاد ماتفرق فيها الدكتور ، بالنهاية تقسيمة الدرجات واضحه ميدين اختيارات وفاينل اختيارات تظليل و ١٠ عند المعيد فمافيه اختلاف كبير لكن، الدكتور المناع شرحه ممتاز بالمحاضره اذا اخذت وعطيت معه بتفهم، بالنسبه للحضور بالمسطره وبالنظام وياخذ حضورك عند المعيد فلازم تكون منضبط، يقولون اللي مايغيب ولا كلاس يدفه قريد بس مدري الحقيقه عن هالكلام … خلاصة تجربتي الدكتور يستحق تنزل عنده بتفهم الماده واذا اهتميت صدقني بتطلع بفايده وفيه ابو ياسر (خصوصي) للفهم والماده يبيله شدة حيل بالاختبارات اصلاً
ما يقدر يسوي شي في درجات الاختبار لأن كله خيارات بس عنده بونص على الحضور الكامل. شرحه مرة حلو و يستعمل أمثلة واقعية و منطقية و يجاوب على أي سؤال بشكل مفصل الله يسعده.
الدكتور شديد في التحضير اذا انت راعي تأخير و غيابات ما ينفع لك ، درست عنده اختيارية هندسة المرور شرحه ممتاز و امثلة واقعية لكن المادة دسمة ، يسر في التعامل، اذا عندك اهتمام في المرور جداً بتفيدك المادة و ممتعة و مقدور عليها، اذا ركزت معه بالمحاضرة بتسهل عليك المذاكرة.
بالمسطرة النظام نظام بيعطيك حقك لازيادة ولانقصان اله مو انسان
شديد في التحضير و وقت الدخول
ما تدري الصدق تمدحه ولا تذمه الرجال الصدق ما يقصر من ناحيه شرح وتعامل والتاخير يحضر من اول دقيقه هذا يبين لك قد ايش الرجال عملي واكاديمي بس الله يهديه الاختبارات صعبه مره اتكلم عن مرو اذا انحديت عليه نزل خله يعرفك
لا تخلي محاضرته اول محاضرة لانه شديد جدًا بالتحضير
اذا ركزت بتحل زين في الاختبار
يحضر اول ما يدخل يعرف يشرح بالنقل والاقتصاد اذا ما غبت ولا محاضره يعطيك بونص
دكتور شديد على التحضير جدا واسلوبه وتعامله معك محترم جدا ويرد على الايميل بسرعه واذا طلبته ساعة مكتبية يتجاوب معك بسرعة وتختبر اليوم عنده بكرا الدرجة طالعه لان التصحيح الكتروني ولا يدف ابدا