تقييم البنات كان مخوفني بس صديقتي نزلت عندها ومدحتها ونزلت انا ، شرح الدكتورة ممتاز بأمثلة ،التكليف كان اختيار بين مناظرة او محكمة صورية بعدين تعرضونها ، جزئيات الكويز والميد معقولة لكن الفاينل كان كل الكتاب بالكويز والميد فكان طويل بس المادة سهله دخلت وانا على حافة ال A+ ومتأكدة اني نقصت لكن عطتني A+ ، تعامل الدكتورة عسل مره وتسمح تحضرين مع شعبة ثانية عدد الغيايات المسموح فيها مب واضح لكن غبت ٨ ساعات وعادي .
شرح مو مره والدرجات تقسيمها معقول بس كمية تروع واسئلة فيها تريكات مره يبي لك تركيز، وما اكرر التجربة
مو على الكلام والتخويف سواء من الدكتورة او من الماده التجربه كانت افضل شرح جميل وسواليف ومناقشات تعامل لطيف محاضره خفيفه مب ثقيله على النفس ابد وماتاخذها كامله المنهج تحسون انه كثير بس هو حرفيا ابسط يعني مترابط مافيه تشتت يعني مثلا فصل يتكلم عن اطراف التنفيذ ثم فصل ثاني يتكلم عن وسائل الاكراه وهكذا فكل فصل متخصص بشي بحيث مايكون فيه تشتت بس المذاكره اول باول وتتسهل وتخطط وقت الشرح،الدكتورة عسل هي وتعاملها،الاختبارات متوسطة الصعوبه تميل للسهوله يعني مقدور عليها،ومستحيل تحذف محاضرة الساعه،،
طبعا الدرجاتي ماقيمة لأن اليوم اختبرنا وماطلع البريد ترقبو تقييمي بعد مايطلع القريد 👌
انا صاحبة تعليق ترقبو تعليقي بعد مايطلع القريد👌 اولاً الدكتورة ماقصرت تشرح يعني طالبه تقرا بعدين هي تبدا تشرح، شرح بأمثله لازم تجلسين عندها قدام عشان تفهمين ان جلستي ورا مراح تعرفين راسك من رجليك،برضو مرنه بالتأخير ماتحاسب عليه تحضر اخر شي،اختباراتها شوي يبي لها تركيز خصوصي الموضوعي تركز بين السطور اي مثال مذكور بالكتاب ذاكروه راح يجي المقالي سهل تعداد بشكل عام الدكتورة رائعه والله لكن تحملو الجزئيات الكثيره عطتنا كل الكتاب بغيت انهار لكن الحمدالله عدت.
الله يسعدهااا مو على كلام البنات ابدا كنت متخوفه مره منها واستغرب مااسمع عنها كثير انسانه عسلللل لأبعد حد وخلوقه ويسيررره وبشوشه مررره وهذا مهم بالنسبه لنا كطالبات ب اهمية الدرجات والفهم اخذ معها هذا الترم وامانةً (ماحطيت تقيم لدرجات لان تونا ما اختبرنا) لكن متفااائله باذن الله💚💚 اسأل الله ان ييسر لها مثل ماتيسر لنا حصلي موقف وحبيت اعبر عن امتناني لها🤍
شرحها سيء ويجيب النوم الكويز ٢٠ درجة اونلاين وكله تجميعات الميد والفاينل خصوصًا المقالي تجميعات بس الصح والخطأ!!!!! ٣٠ فقرة ليش! من بين السطور وتجيب لك نص المادة والمطلوب تعرفين هل هي التاسعة ولا الثالثة والثلاثين وش هالتعقيد اللي ماله سنع؟ وكل هذا كوم وتعاملها وشخصيتها كوم ثاني، تسفه البنات ولا ترد عالاستفسارات تمشي وتنتظر البنت تلحق وراها عشان تسألها، غير مهنية أبدًا وتجربة لن تكرر الحمدلله
الدكتورة ابدا غير متعاونة كل شي نطلبه منها جوابها لا وما تقدر تسويه حرفيا كل شي، خلتنا نحضر باخر اسبوع نسوي برزنتيشن وبالاخير على جوالها ولا تناظر البنات يعرضون مع اننا طلبناها يكون اون لاين وعيت طبعا. الكويز ٢٠ درجة كله تجميعات واون لاين كان يعني اضمنوا درجات الكويز والمد حفلة ٣٠ درجة ورعب شي دقيق بشكل يروع والمنهج من اغث المناهج ولا تراعي ولا تسهل بعض المواضيع وبالنسبة للفاينل ما حذفت ولا نص تشابتر حتى وكان عادي اللي درس بيحل بس بعض الفقرات دقيقة بزيادة. عموما انه ما جاز لي اسلوبها بالشرح
الدكتورة ما تتعاون ولا تراعيكم مخليتنا نداوم للاسبوع اللي قبل الفاينل معايير الغياب والدرجات مو محددتهم التكليف ياخذ وقت تبي له ملخص وعرض وهو ماعليه الا درجات قليلة، مافيه شرح بس تقرا واسلوبها بالمحاضرة لطيف واذا ذاكرتي بتطلعين بقريد زين اختباراتها مب تعجيزية والكويز كله تجميعات اذا مالقيت غيرها ارجع انزل عندها
اذا ركزتي بتحلين زين في الاختبار