هدى الحمود

محاضرة طويلة و ثقيلة

بطيئة مره بالشرح تاخذ كلاس ثلاث ساعات على خمس سلايدات وماتدف ابد وغير كذا نرسل لها بالايميل وماترد

عاديه صراحه بس كانت تنادي بالاسامي عشوائي تقريبا ٤ مرات سوتها وتقول بغيب اللي ماترد وتوترك واتوقع ماغيبت احد توتر عالفاضي وماتوقع عطت بونس مع ان دكاتره كثير يعطون اذا عندهم خيار تغيرونها غيروها علشان البونس محاضرتها سريعه وتمر وكانت تشرح بقهوه ازعااااج

شرحها للامانه كان حلو جدا بس مشكلتها تعاملها سيء شوي وما تعطي اب قريد ابد ومستحيل ترد ايميل الا ما ندر ممكن ارجع اخذ عندها اذا ما لقيت غيرها عادي

الدكتوره ساعدتنا قد ما تقدر ، عطت الجميع فل مارك في الأسايمنت والبروجكت و العرض! اما بالنسبه للأختبارات لازم تركزين بالمذاكره وتفهمين وغالباً الأختبار من متوسط الى شوي صعب ، شرحها حلو و تشرح كل شي وحذفت اشياء من التشابترز بالنهائي عموماً اشوفها كويسه مره الله يسعدها

محاضرتها طويله ويضيع الوقت ولا خلصنا شي ضغطتنا اخر اسبوع قبل الفاينل بكوزين و العملي عشان ماخلصنا المنهح بدري

ما احب الشخصيات المزاجيهه تتعبني احسها شوي تحقر بس عشان ما اظلمها كنت ماشيه سيدا معها توتر ماتدرين وش الجاي منها الميد وسط ماحددت المقالي بس ماجابت الا سوال عليه خمس درجات مب متوقع مرا ،تكاليف مب واضحه خي فجاه تعطيك برزنتيشن وغيره كانت مقسمته على ثلاث تكاليف طول الترم تماطلللللللل في كل شيييي ختمنا اخر لحظه ، تروعكم بس بالكلام البروجكت اتوقع الاغلب اخذ كامل بس تحجر، الفاينل كان اسألج نجلا باحيمد ف كان سهلللل اسهل من الميد الحمدالله ،انزل ثانيه معها اذا ماعندي خيار

الصدق هي كشرح ممتازه تفهم لكن مدري ليه على حظي صارت تروح كوفي وازعاججج مايخليك تركزين معها وفيها حركه تسال فجاه وتنادي بالاسماء تشوفك مركزه معها او لا ولو ماجاوبتي تغيبك وماتسجل محاضراتها عطتنا واجب عملي سهل عموما ماهي سيئه بالتوفيق لكم🤍

ما اعرف ليش ظالمينها في التقييم صراحة طيبه مره وحليلة ولو لقيتوها نزلوا عندها مره يسره وحليله وما تستقعد الله يسعدها

الصراحه كشرح تشرح وتتعمق بزيادة وبطيئة يعني طبيعي اسبوعين على ٥ سلايدات بس وهي تقدر تختصرها بنص ساعه بكلاس واحد ،ماترسل ايميل اذا اعتذرت فجأه تسحب واحنا ننتظر، جبرت لنا اعمال السنه ، سوت اب قريد لي درجة ونص ، اختبارها العملي كان بالبيت ويعتبر سهل كشرح للعملي عادية ، تقوم عشوائي وتلخمك فجأه تقول عشان تشوف اذا احد فاتح المحاضره ورايح لكن اللي لاحظته اللي يشارك معها دايم وتشوف اسمها متكرر ما تقومه ، ماعندي اشكالية لو نزلت لي مرة ثانية