للامانه التقييم ظالمها مره الدكتوره تهبل وتشرح من قلب مع ان الماده سهله بس عطتها حقها على اكمل وجه وما تقصر ابدًا وعطتنا فل مارك بالمشروع واهم شي اشتغلوا كويس بالمشروع وشغل دقيق عشان ما تنقصون والله يسعدها ويوفقها ويسخر لها يارب
بخصوص المشروع لاحظت انها تلعب بالدرجات فيه تنقص درجه درجتين غلى الاغلبيه ولا ادري ليه غير مفهوم صراحه الماده سهله وهي سلسه بس عيبها الوحيد بالمشروع مدري ليه تنقص على كيفها ومن راسها مب منطقي ابداً صراحه
ما اعرف احد جاب درجة كاملة
صراحه درستي ماده رياده الأعمال تحضيري ف الدرجات الاختبارات هي مب مسؤوله عنها أبداً ولكن كان عندنا مشروع ، مستحيل مستحيل تعطي فل مارك حتى ولو هو كامل! مشروعنا كامل مره ومنقصتنا😅 ومب بس احنا اغلب الشعبه صراحه مدري على اي اساس تنتقص يوم سألنها قالت احمدو ربكم مانقصت اكثر انتم ما طبقتوا الشروط ( لكن كان ب أسلوب ارقى للامانه لكن هذا بما في معناه) بس صراحه شرحها كان واضح الله يسهلها وموضوع الدرجات بينها وبين ربها 🫶🏻
تكاليف قليلة و سهلة و مفيدة
صدق فيها جـ/ـنون عظمه مو طبيعي ، الحين المادة فجب وتنقص وماتعطي احد كامل وحوسه وذي الفوضى كلها عشان وشو ؟ المادة ماتستاهل المهم اذا نزلت لكم انسوا تاخذون فل مارك بالمشروع لان يمكن تـ/ـموت لو عطتكم كامل، لازم نص وربع من هنا ولا من هنا عجيبه والله شكلها ناسيه اننا طالبات ليش هالاستقعاد هههه
المشروع افضل انكم تعرفون البنات قبل تقسمون المجموعات عمومًا تحب تنقص بالمشروع بس لا تخافون ما تنقص كثير مجموعتي نقصتنا نصف درجه اهم شي جيبوا بالميد والفاينل كامل عشان تريحون مخكم من المشروع
اولًا المشروع لا تضمنون انه كامل إحنا منقصتنا نص واحنا مسوين كل شيء! نسألها عن السبب تقول(عادي نص وبينجبر)بس ايش؟جت ونقصتني نص في المشاركة والواجبات رغم إني احل واسلم بنفس الوقت! ومره تأخرت وعلمتها السبب قالت ابشري إن شاءالله ومع ذلك ماشفت من كلامها شيء هذي هي منقصتني وكانت ببداية الترم ترد على الايميل مع انها ماكانت ترد على البنات لكن ترد علي، بس بعدها اختفت! وبفترة الفاينل كل الدكاترة يردون على طلابهم إلا احنا مختفية ماترد ولا شيء حتى ماردت ليش نقصتني نص بالمشاركة والواجبات لا تاخذون عندها شيء
من ناحية اختبارات هي من العمادة مالها اي دخل فيها والاختبارات سهله للي مذاكر من ناحية شرح هي تشرح بقراءة يعني مايحمس الكلاس ابدًا نقرا بس ولكن للامانه الماده اصلًا ممكن اغلب الدكتورات كذا يشرحونها من ناحية التعامل صراحة شوي فيها صرامة التواصل معها صعب ونقصتنا فالمشروع مااعطتنا رد قلنا علمينا اخطاءنا نتفاداها واخذت الموضوع باستهزاء انه المفروض تنقصون كلكم اكثر لو بمشي عالمعايير 😅بس انبسطت لما قالت كذا وضحكت لاني اول مره احس الدكتورة مرتاحة معانا رغم اني مو راضية عن درجتي
🔴المشروع هو اساس الماده لازم تدخلين مع دوافير وناس تحب تشتغل وتصمم عشان تاخذين الدرجه منها لان ماشفتها تعطي كامل لمجموعه من الشعبه نظامها مالكامل الا الله😔 مع ان مشروعنا كان متكامل نقصتنا درجه كذا من راسها 🔴المشاركه حاووولو تشاركون ثلاث مرات بالترم عشان تضمنون الدرجه بس هذي اهم الاشياء