مشروعها صعب شوي بس اختباراتها واضحه جدا وسهله ، متعاونه مع البنات ماتعطي بونس بس تدف بالقريد عموما كويسه مره
اختباراتها معقوله سهله يعني و ما تعطي بونس بس واضح دفتنا بالفاينل و سوت اب قريد الله يسعدها ،كويسه .
كويسه ما ندمت اني اخذت معها، اختباراتها بين السهل والمتوسط والفاينل كان اسهل من الميد، تكليفها غريب شوي ما كان له علاقه بالماده عطتنا ملف بالانجلش وطلبت نترجمه ونحلله وغيره، التحضير مرنه فيه للامانه، الشرح تعطيك امثله وتطلع من برا المنهج بزياده وتطول على ما تخلص المنهج وتاخذ وقت المحاضره كامل
هذا سمستر درستني اعظم دكتوره في قسم الاعلام
مرنة في الحضور و لانصراف
كنت خايفه من صعوبة المادة بالبداية بس حمدت ربي إني نزلت معها حرفيًا تطلعين من عندها فاهمه كل تفصيل من شرحها الجبار .. اختباراتها سهلة وواضحة، وتكاليفها طلبت بحث فقط وكان صعب نقصنا فيه كلنا، المنهج كان طويل ومتعب رفضت انها تحذف شيء لكن دفتنا كلنا بالنهاية الله يسعدها 💙💙
شرحها مره مره مره حلو وتشرح بالأمثلة وتحاول قد ماتقدر تدخل المعلومة صح نطول بالمحاضرات بس يعجبني هالشي انها تاخذ راحتها بالوقت ما اذكر اننا ناخذ الوقت كله يعني مره سهالات بس الشي السلبي انها تخوفنا من اختباراتها مره واكثر ماده بدون مبالغه شلت همها وعيت تحذف شي رغم المنهج كان مره دسم ف ماشفنا تعاون بالفاينل ولا الميد بس الاختبار الله حق يعتبر سهل والمقالي مو كثير بس لازم تدرسون من قلب فيه اشياء جاوبت من فهمي وعطتني الدرجه، ارجع اخذ معاها
بعيداً عن التكليف والاختبارات اللي على حسب اجتهادك ويختلف طبعاً من شخص لشخص ، لكن الدكتوره عسل ، اسلوب وتعامل محاضرتها عبارة عن ثروة من المعلومات الله يسعدها على اخلاقها الحلوه تاخذ وتعطي مع الطالبات وتحاول تبسط المادة في الامثلة لو اقدر اخذت كل المواد عندها.
شكلكم تقيمون على الشكل🤣 اقل من عادية مررررة اختباراتها صعبة وتحوس وصيغتها غريبة، الدكتورة فوضى ودايم مشغوله وتكاليفها صعبة
للامانه الدكتوره تشرح لكن تطوووول وتاخذ كل وقت المحاضره وعادي جدا تكنسل المحاضره قبل ب10د ، التكليف حقها صعب مره ومعايير تعجيزية وكانه بحث دكتوراه تنقص عليه بالهبل ومحد من الشعبه اخذ كامل حرفيا نقصنا قريد كامل بسبب البحث ، الاختبارات سهله والحضور ماتركز مره ، تعاملها جدا سيء مستحيل تتناقش معك عن الدرجات ومستحيل تزيد وتعطي بونس ابد . مستحيل انزل عندها الا اذا انحديت