الدكتور ممتاز وكل شيء البونص انسى والمحاضرة ياخذها كامله وممتاز ويشرح لك كل شيء وعنده تكليف تلخص له كتاب هو بعطيك اياه الميد يبي لك تذاكره
من دون مبالغة محاضراته كانت أمتع محاضرات من دخلت الجامعة والله، محترم وأسلوبه رائع عنده تكليف تخليص كتاب مع النشاط بيعطيك اسئلة عشان تحلها لازم تكون قد قريت الكتاب وفهمته الله يسعده ويوفقه يارب
الدكتور عايض الدوسري من افضل الدكاترة الي مرو علي كان اب قبل يكون دكتور محاضرته ممتعة ومفيدة ومليانة معلومات تفيد الشخص مستقبلًا في حياته غير الشرح الواضح الكافي و يهتم للحضور كثير وفي الدرجات ما يقصر ( اعمال السنة ) افضل خيار في السلم الله يسعده ويوفقه
المشكلة الوحيده انه ياخذ المحاضره كامله وهو يمديه يخلص المحاضره من بدري ، باقي الامور كلها 10/10 اختبارات سهله ويعطي بونص
لا تذاكر من الملخصات ذاكر من الكتاب إذا تبي A+ معه مايحب الي يحط رجل على رجل ولا الي يتأخر الدكتور أسطوري ومتجاوب وحبيب وكلشي نزل وانت مغمض الله يسعده بس
الدكتور الله يبيض وجهه متعاون ورجل محترم الله يجزاه خير
السلام عليكم ورحمة الله وبركاته حياكم الله جميعًا إخوتي الكرام. وفي نهاية هذا الفصل الدراسي الأول لعام 1446هـ، أتقدم بالشكر والتقدير لجميعكم، وأتذكر جيدًا الأوقات الجميلة الذي سعدت فيه بتدريسكم والتعرف إليك وحواركم والحديث معكم في العلم والمعرفة. أسأل الله لكم التوفيق والسداد في مواصلتكم طريقكم العلمي، وأرجو أن نراكم قريبًا في مراكز علمية وعملية عالية، وفي خدمة وطنكم. وإلى لقاء قريب بمشيئة الله على خير، وصحة، وعافية، وسعادة. محبكم عايض بن سعد الدوسري
الدكتور ممتاز مرة ويسهل لك المادة بشرحه واختباراته اختباراته موضوعية سهله بس يبي لك تذاكر طبعا والبونص يعطيك يمكن زيادة ٣ او اربع الله يسعده ويوفقه
الرسالة اللي تحتي مرسلها الدكتور لطلابه في E-mail .حتى لا أحد يحسب أن الدكتور كتب هنا 😁
الدكتور حبيب ومايقصر في الدرجات بس اهم شيء لا تتاخر عنده