اكثر كلاس ممتع في يومي
ابدايه الترم تخلينا ننزل العبايات ،تقول لنا قصص كتغيير جو مرنة جدا جدا بالحضور يعني ماتقول شي لو تاخرتي تعاملها كيوت لكن شرحها موموه احتجت مصدر اخر للامانه وشوي غير جديه تزودها بالسوالف مع البنات
اولا لازم تفصخون العبايه بكل كلاس ولازم الجوال بالشنطه،شرحها جميل وسهل وطلعت الماده باسهل شكل لي ولا احتجت مصدر ثاني ، تراعيك بالحضور ولا حسبت غياب لما غبنا قبل الميد،تخلينا نحل معها بالكلاس وتمر على وحده وحده ،مرنه بالواجب والمشاركه ماتنقص عليها قالت يمكن تعطينا كويز بس بالنهايه قالت كلكم عطيتكم كامل الله يسعدها ،الصراحة دكتوره كويسه مره بس احيانا تصرخ او حتى تعلق عليك تعليق مضحك فممكن مايعجب الكل ،دايم اسالها بعد الكلاس وتجاوب وتفهمني كويس وصدق اطلع فاهمه و ولا مره طلعت من الكلاس مو فاهمه
تكاليف قليلة و سهلة و مفيدة
شرحها حلو وافهم منها تعاملها عادي بس فجاه تصارخ وتكره احد يسالها رغم انها تقول اسالوني اذا عندكم سوال بس الاحظها تنفعل درجات الواجب زينه لكن احسها ما تمشي بتصحيح الاختبارات مدري والتحضير لو ما تحضرين عندها الا ٣٠ دقيقه حضرتك
كويسه مره تحضر حتى لو متاخره وطيبه بس اهم شي لا تعصب ، شرحها حلو ويبسط المعلومه
افضل لكم ماتلبسون سماعة اذن في كلاسها - الدرجات على حسب المود حقها - التحضير غالباً تنسى تحضر - تعامل رديء + اشتركت مع احد كويس يشرح ريض لانها مو مره بالشرح
اعسل دكتورة ريض الله يسعدها ويخليها ❤️❤️❤️❤️❤️❤️
تنقص بالواجبات على كيفها وهي اللي تعتمد الحل شرحها كويس بس تسولف كثير تنقص على ادناة الدون وتحتاجون طبلة اذن جديدة نهاية الترم من كثر الصراخ
ضد التقييمات تمامًا يمكنها تغيرت وصارت احسن الترم الثاني، انصدمت من التعليقات وبرد على اللي قريته: تحضر نهاية المحاضرة واذا تأخرتي لو ساعة تحضرك عادي والواجبات تعطي كامل ومالاحظت انها تصارخ ابدا عادي طبيعي، بداية الترم كانت تخلينا نفصخ العباية بس بعدها ماصارت تهتم بس جوالك لازم بالشنطة، بكمل فوق