تحتاج مصدر ثاني لفهم المدة
لا تسألونه عن الحاسبة ولا تجيبون طاريها ولا تطلعونها قدامه، اذا شاف كل الشعبة معتمدين عليها بيصعب الاختبارات
اسطوري الدكتور وما احتجت شرح خارجي إلا في اخر تشابترين بسبة اني كنت اغيب، بس اول ثلاث تشابتر مره ما تحتاج، اهم شيء لا تطري سالفة الحاسبة له وهو بيسمح فيها، ناس قبلنا ازعجوه وعطاهم مقالي
الدكتور الصدق مره حبيب و بالتحضير متساهل مره الميد الاول كان في سوال صعب و الميد الثاني بسيط كان مره الفاينل كان في كم سوال صعب بس بشكل عام الدكتور حبيب نزل عنده و انت مرتاح و التحضير تشوف في ٣٠ واحد متحضر و ١٢ حاضرين بس
الدكتور طيب ومتعاون ميزته اختبراته خيرات ولا تحتاج تكتب خطوات حلك ويمديك تطلع الحل بالحاسبه لو عرفت تحل بالحاسبه راح تحل اغلب الاختبار فيها عنده مديين من 25 والحضور 10 والفينل 40 لو تاخرت بالحضور ماعنده مشكله بس لا تغيب لان عليها درجات ومداته من الدسكشن ماعدا اسئلة النظري مدري من وين يجيبها اما الدف مايدف بس بشكل عام ممتاز
تحتاج مصدر ثاني لفهم المدة
بالمختصررر, أحضر معاه وأفهم, وأيضا هدير موجودة شارحة المنهج في بيمز كاملا مع الدسكشن, شد حيلك المادة كلها اختبارات, ومقدور عليها جدا, الفاينل الله يهديه جاب اسأله غريبه ما كانت موجوده بالدسكشن, ركز بالمادة وذاكر زين وأمورك تمام, لا تضيع عليك الدرجات أهم شيء, أعتقد الدكتور يسوي أب قريد للي باقي له درجة أو درجتين والله أعلم, الأمور بسيطة بس شد حيلك بالاختبارات لأن المادة كلها اختبارات.
الله بلانا بزملاء عقولهم صغيرة، الدكتور من بداية الترم الى نهايته يشرح على افتراض انك ما تستخدم الآلة وما قد جاب طاريها نهائيا. كل محاضرة تروح تسأله عنها، ولا تقول له ذا ينحل بالآلة ليش؟. يعني تتوقع الدكتور عْبي وما يدري؟ حنا أول دفعة يجيب لهم مقالي في الميد، وحتى الفاينل جاب عدة اسئلة ما تنحل مباشرة بالآلة، عشان تنحل لازم خطوات حل. عموما هو محتكر المادة ومافي خيار الا هو.
رهيب وعسل ويخجلك بتواضعه ويتفهم الغياب ويمشي ، تحضيره يعطي الطلاب ورقه التحضير وتحضر نفسك متى ماتبي لو تجي اخر دقيقه ولو تبي تحضر بمحاضرة الشعبة الثانية اتوقع يسمح ، عيبه الوحيد شرحه كارثي ومستحيل تفهم عليه سجل عند هدير وال A+ بالجيب
انا انزل عند دكتور لسببين: ١-ذكي ويفيدني فالتخصص وخارجه ٢-درجات بكاسيوم هو ما يدري اي نوع، حبيب فالمحاضرة وينفس فالاختبارات ساحب عالتحضير وفجأة ينقص درجات عليه الوضع بالنسبة لي غير مفهوم ملخص بالنسبة لي: طريقة تحضير غريبة، شرحه خااااايس، اختبارات دسكشن وسهله ما يدف نص درجة ولا يتفاعل مع الطلاب يجي يشرح اللي عليه ويمشي.