الصراحه الدكتور تكاليفه كثيره واجبات وكويزاته صعبه عطانا كويز تحسين اخر اسبوع كان سهل اما السابقه مستواياته اعلى بالنسبه بالتصحيح دقيق مره والشرح جيد
ما اعرف احد جاب درجة كاملة
شديد في التحضير و وقت الدخول
من الأخير الدكتور موجود في الدفعة الله يعينهم دكتور بيصعب على الدفعة كلها الدكتور جدا جدي نطلب منه عن بعد بالموت يحولها التمارين خلاها بالبريك ولا ضيع منها دقيقة ياخذ المحاضرة كاملة واكثر بعد دايم كويزاته وواجباته مرعبه تقعد عليها بالساعات وتصحيحه غريب مره يمشي شي بسيط ومرة صفر على طول اقل قريد جبته عنده
في الشرح الافضل. نادر ما اطلع من عنده بدون ما افهم. تكاليفه كثير ٦ مدري ٧ واجبات و ٦ كويزات و اغلبها سهلة عشان يرفع مجموعنا. التحضير مب شديد يحضر قي البداية و الي ما لحق بعد ما يخلص شرح يحضرك. متعاون معنا لابعد درجة. انصح به اذا تبي شرح واضح
ظالم , مستحيل انزل عنده مره اخرى
ما اكذب عليك اذا اقولك الدكتور موب فاهم ، تخيل دكتور يشرح المنهج والطلاب يصححون له ، ماده اختياريه الناس تبي تنجح وتمشي وهذا الافرج عنده ١٠ من ٣٠ بالمد ، بالاضافه الى الواجبات الخياليه اللي كان يحطها ولا احكي لكم عن الكويزات المفاجئة ، للعلم ٩٠ بالميه من طلاب هذيك الشعبه خريجين وهذا اخر ترم لهم .
افضل دكتور بالهال صراحه ما قصر معنا ابد الله يجزاه خير ويطول بعمره
الدكتور حبيب بالتعامل ومزوح لكن مشكلته الكويزات الله يهديه صعبه والافرج يكون 3-4 من10 و عطانا واحد سهل عشان ترتفع الدرجات شوي و واجبين متوسطه الى صعبه الصراحه لكن بالواجبات الصدق ما اشوفه يدقق بالحل كثر ما انه يبيك تشتغل و تحل بنفسك وبفهمك + من ناحية الدرجات حقاني + الشرح متفاوت مره واضح و مفهوم ومرات ابدا غير واضح للامانه و تساله ويجاوبك عليها لكن باسلوب كانك فاهم وعندك خلفيه سابقه عن الماده و ذي اساسا اول مادة تخصص وافكار واشياء جديده (مقاطع الدهلوي بتغنيك بشكل كامل + اليوتيوب مليان شروحات)
مستحيل اخذ عنده مره ثانية