١-في اول الفصل كانت تسولف وماتشرح لكن اخر المحاضرات صار فيه تحسن بشرحها بشكل ملحوظ ٢-اسئلة الاختبار اذا جيتي تحلين سهله مره بس تنصدمين من الدرجه ٣-اسلوبها جلف شوي ٤-تضغط نفسيا طول الفصل الدراسي ومستحيل ارجع اتعب نفسي نفسيا مره ثانيه عندها ٥-التحضير يكون اخر المحاضره ٦-تاخذ وقت المحاضره كله ماتوفر دقيقه ٧-مافيه بونس نهائيًا ٩-تتعب نفسيا للمره الثانيه
والله الصدق تحببك بالماده حتى تسهلها لك تبيك تعتمدين عل نفسك وتركزين وتفهمين معها وهي عسل وطيبه والله م تسوي كذا إلا وأنها تبي مصلحتك حتى لو تكاليفها كثير تبيك أنتي تبحثين وتحلين عشان تتاكد انك فأهمه ، الله يجزاها خير 💕
عسل اختبارها الميد سهل ركزي معها وبتحلين زين منجد تعاملها جميل تبي مصلحتنا وتبيك تعتمدين على نفسك تكاليفها مو كثير و تنزل لكم سلايدات بالبلاك بورد الله يسعدها🩵🩵🩵🩵.
الله يسعدها سعاده حريصه علينا حرص وتتفهمك لو عندك اي مشكله وتساعد وحفزتني بعد ماغلطت بالميد الأول والحمدلله الميد الثاني بعد الله جبت حلوو فقط تقسيم الدرجات شوي موب حلو اغلبه على الميد بس ذي المشكله جزاها الله كل خير 🌸
شرحها جدًا بطل وتفهمك غصب حتى لو المادة من اصهب مايكون ، اختباراتها متوسطة الى صعبة شوي وتدقق بالتصحيح مررره تنقصين على اتفه الاشياء لكن من افضل الدكتورات رغم سلبياتها لكن يشفع لها شرحها واسلوبها صح شديد لكن شدة الأم الي تبي مصلحتك وتكاليفها سهله وواضحة وتعطيك سلايدات تشرح منها وتبسط لك
تتطرق لمواضيع كثيره خارج المنهج ولا تمد له بصله من ضمنها سفرها للخارج و حبها للغة العربيه وكيف نكون طالبات متفوقات ولما يضيق الوقت تقرأ المحاضره بشكل سريع بدون شرح و تصحيحها للاختبار فيه تدقيق بشكل مو طبيعي في الزياده تنقصك و على الاجابه الصحيحه تنقصك اذا مو نفس الي تبي و تحب الي تشارك و تنادي بالاسماء و كثير حذفوا عندها و اختباراتها ما تطلع من السلايد وشرحها غير واضح و تحتاجين مصادر اخرى لفهم المادة وتاخذ الوقت كله واذا شاركتي والجواب غلط ما تعطي درجه لازم اجابه صحيحه
الدكتورة جداً شديدة وتحب اللي يشارك معها اختباراتها متوسطة وتكاليف عطتنا واحد بس تحبك تطبيعين اوراق ماعندها ايباد لابتوب وواجباتها كثيره وتبيك انتي اللي تشرحين مو هي و كل شوي تتكلم عن جامعة ام القرى
صراحة أنها حليلة اختباراتها سهله تجب من نفس الأوراق اللي نذاكر منها تكليف واحدٍ سهل عرض خريطة في نفس الوقت بس لو تموتين ما عندها بونس درجتك نفسها ما ترفع أبدا تاخذين حقك فقط🙏🏻🙏🏻
التقييم بدون تعليق