اقوى دكتور يدرس نجم وقد يكون اقوى وافضل دكتور بالجامعة الله يسعده ويوفقه وين ما يروح
ماخذ مع الدكتور نجم ١٠٩ و ١١٠ ويشهد الله ما شفت منه الا كل خير. اولا يدمج محاضرة الساعتين مع الساعة فتصير تاخذ محاضرة وحده أسبوعيا فقط، واذا كانت المحاضرة قريبة من وقت اختبار فمتعاون جداً في الغاء المحاضرة. من ناحية الدف حسب تجربتي دف جميع الشعبة بمقدار ممتاز لكن اعتقد عبدالودود او رضا دفهم اكثر. فمشروع المادة جداً متساهل وما ينقص والغياب على ما اعتقد ما يحاسبك عليه اذا كان جداً قليل. يحب المشاركات داخل المحاضرة ومحاضرته خفيفة وممتعة. من افضل الدكاترة الي درست معهم بلا منازع.
بالمعنى الحرفي نزل عنده وانت مغمضضض لان مستحيل يمر عليك دكتور بمسيرتك الجامعيه مثله، خله اول خيار بعده عبدالودود
دكتور اقل ما يقال عنه اسطورة وحبيب ومحترم وفيه محاضرات كثير ملغية وانصح فيه الكل ممتاز مرة لكن نصيحة بالحضور لاتدخل بعده دايم احرص تجي قبله لانه لو تاخرت بيغيبك لكن من الاخير اسطورة والله يسعده ويوفقه
قسم بالله اني ما اكذب ٣ سنين ما اذكر محاضرة اتحمس لها وتزين نفسيتي زيها ولو رجع بي الوقت داومت حتى وقت الاختبارات، ياخي اسلوبه اسلوب انسان يتعامل مع بشر مو زي المحاضرات الثانية الطالب جاي يحضر والدكتور جاي يأدي وظيفته والله اني ما امزح بعيد عن الدرجات الدكتور ذا اذا شفته اقول المسلمين فيهم خير والله 😂😂😂😂 بيجوز لك اسلوبه اكثر من الدرجات اللي بيعطيك اياها، الله يوفقه وين ماراح انسان فيه قبول ماشاء الله عليه لاتنسونه من دعائكم
يعجز الكلام عن وصفه ، الله يوفقه ويسعده اشوفه الافضل هو او عبدالودود لهذي المادة خصوصا اذا انقليزيتك ماش
خيارك الاول والاخير لا تدور غيره ابد