من المواد والدكاتره القلة الي راح يعلمك شي تستفيد منه خارج الجآمعة لكن الله يعينك يبيلك تشتغل اول بأول في لابات والبروجكت وتتهيئ للفاينل لاب، لان ماراح تحس بالكرف الا بنهاية الترم، والمادة تحس انك فاهم وسهلة لكن اذا جا الاختبار يخرشك بكم سؤال يبيله جهد ذهني وفهم عالي للمنهج لكن ماقصر تصحيحه ناعم. الله يجزاه خير ويعطيه الصحه والعافية ابدا ماقصر انصح فيه بشده
اذا ركزت بتحل زين في الاختبار
شرح ممتاز مع امثلة، يحضر بعد اول ٥ دقايق من المحاضره، فيه بونص، مراجعاته قبل الاختبار ممتازه ومهمه، ومن ناحيه تعامل الدكتور حبيب جداً و حقاني ويمكن تحسون انه شديد بالبدايه بس تبي تتعودون عليه بعدين، شارك معه، من ناحيه كويزاته بهال ٣٠٣ كانت كله خيارات وسهله للي مذاكر سلايدات وتتوريال وعطانا كويز لاب اضافي للي وده يحسن
بكل صراحه كنت منقهر اني ما قدرت انزل عند الغانم وعوني بسبب مدح الطلاب لهم، لكن الدكتور اسطوره من الاخير يعني
الله يسعده و يوفقه 💚
التقييم بدون تعليق
الله يسعده ويجزاه خير رجل فاهم ومتمكن من الشرح وما احتجت لمصدر ثاني وانا اذاكر لمادته، عنده بونص للمشاركات وهو ما يقصر في بداية كل محاضرة يراجع على المحاضرات السابقة بأسئلة عالسريع من باب انه يخليك تشارك عشان يحسب لك بونص وأيضًا عشان تتذكر المحتوى الي درسته معه اول باول. معاه ان شاء الله الـA+ مو صعبة ولكن بسبب تقصيري بمذاكرة الميد الي كان كله نفس اسئلة التتوريال جبت A . لو حصل وشفت اسمه مستقبلًا بمادة ثانية بحاول وبحرّص على اني اسجل عنده مره ثانية، الله يوفقه ❤️
اسطورة واشوفه افضل خيار بهال ٣٠٣
شديد في التحضير و وقت الدخول
الاسطورة يعنفكم تعنيف بالمادة لكن يطلع رجال المادة صعبة ويبيلها حقها جلد من كل مكان الوضع لكن يدف بالنهاية قريدين اتوقع انا عن نفسي محب للسكيورني لذلك نزلت عنده و المنهج حقه يعتبر موضوع دقيق وحساس بالمجال والتعمق بالمادة يتخطى شهادات احترافية قوية للغاية