دكتور اسلامي قومي شوي ويعلنها يقول انا بعثي على العموم الدكتور مايهتم الا بدرجة الفاينل فقط
شديد في التحضير و وقت الدخول
الدكتور عنده كل الامكانيات انه يكون دكتور عظيم لكن شكلها صعبة عليه الشغلة يجلس على الكرسي يحسسك انه ابوك ويبي يسمع منك والمادة ضارب امها بعرض الجدار ويقعد يسولف عليك بكل شيء الا المادة ويجيب اسئله غريبة عجيبة تشيل همه طول الترم من غرابته ما تدري وش تتوقع منه لانه غريب وهو فعلا غريب الدرجات اعتقد يوزع عشوائيا ويزعجك ان التخصص ماله داعي وانه ندم انه دخله ولو رجع فيه الزمن كان غير تخصصه
الشرح اول شي طويل وممل بتستفيد منه وراح تتعلم طريقه التفكير السياسي وانت تسمع له تحس انك محنك، يشرح لك خارج اطار الماده تغيير للجو، الدكتور تحس انه مو مهتم للماده ولا للتخصص، ما يحب احد يستهبل معه. اذا شافك يعاملك كنك ولده. اختباراته اسئله واضحه وبعضها ما تدري حلك كويس او لا. ما يعلمك كم مجموعك وما تدري انت داخل الفاينل بكم. الحضور ما تدري كم عليه وما تدري انت كم مره غايب
شرح الدكتور ممل جدا و يحب يطلع برا المواضيع واجد ، لا تستغرب اذا كل المحاضرة سواليف واشياء ما لها دخل بالمادة ، تقسيم الدرجات محد يعرفه يعطيك مد واحد من ٣٠ اما الثلاثين الباقيه ادع يعطيك اياها كامله ، ميزته الوحيدة انه يدفك للقريد بس . لا تنزل عنده الا اذا انحديت عليه
دكتور غريب محاضرته عبارة عن خطبة جمعة ولاخر الترم وانت تحس انك بتجيب قريد سيء فجاه تلقى نفسك من بي بلس وانت طالع
شرح الدكتور مهب سيء ، لكنه يفتقر في شرحه للجانب الاكاديمي لذلك تحس في شرحه جانب عاطفي اكثر من الموضوعي، الميد سهل لكن احتمال ما يعلمك درجتك أبداً، يعني تدخل الفاينل وانت ما تدري كم مجموعك، ولا يقول لك حتى توزيع الدرجات ، 70% من الفاينل كان بين السطور وصعب، مهتم بالتحضير بشكل كبير والظاهر انه يخصم على الغياب، يحب السواليف في محاضرته لذلك لا تستغرب اذا طلع عن اطار المادة كثير ، تعامله عادي جدا ، لكنه يحب الطالب اللي يشارك في المحاضرة حتى لو كانت مشاركته سواليف بس
التقييم بدون تعليق
باختصرها لك بتكون شايل هم طول الترم معه لانك ماتدري وشي يبي محاضرته عبارة عن خطبة جمعه ولكن ركز في الخطبه وتعاونو وسجلو معه لانها بتجي في الاختبار اي شي يقراه في الكتاب بيجي بالاختبار ١٠٠٪ لاتغيب واحضر وسجل وراه اختباراته اول سؤال صح وخطا وال ٢٠ سؤال الباقيه مقالي وكل سؤال بدرجه لايعتبر سيء
التقييم بدون تعليق