شرحها حلو، اختباراتها سهله، تكليفها سهل بس تنقص بدون سبب كذا عباطه، التواصل معها صعب، محاضراتها مسجلة وتخليها اسبوع، تخلينا ندخل كلاس اونلاين كل يوم طيب ليه؟ بس قروشه بس تعتبر خيار حلو لان المادة حلوه وسهله
اختبارات سهله جداً وجزئية الميد والفاينل قليله لكن تصحيح مجحف جداً ولا يمكن تسمح لك أنك تشوفين ورقتك ولا ترد على الإيميلات نهائياً وبالنسبة للمحاضرات كانت أون لاين والشرح مسجله وبالنسبة للتكاليف تعتبر سهله لكنها تنقص عليها كثير علماً أننا ماشين على المعايير اللي منزلتها لذلك منقصه تقريباً كل الشعبه في التكاليف.
نزلت عندها تجاري كل المحاضرات اونلاين وماعمري دخلتها واخذت كامل بالحضور وبالميد خوفتنا وقالت كل شي بيجيكم وكل شي متوقع وفي النهايه كله اختياري وسهل مره انصصصصصح
شديدة في التحضير و وقت الدخول
شرحها ممتاز جدًا تعطيك المفيد + المحاضرات كانت أونلاين وكان فيه وقت طويل نشوفها فيه لنهاية الأسبوع وتحذف جزئية من الميد وتقريبا اللي معنا بالفاينل كان حول ٨٥ صفحة مع الملزمة واكتفوا بس بالكتاب اللي مخطط وتعديلاتها تجي منها، واذا سألتوها كيفية الأسئلة ترفض تجاوب بس نفسها موضوعي فاينل وميد نفسه بس زيادة تصنفيين أنواع هو تجاري ولا مدني + وفيه شيء غريب تدبل أسئلة زي الفاينل ٣٥ سؤال مدبلة أسئلة معينة ولا ندري وش هي + الميد بعد بس مو مشكلة كبيرة لأنها اختباراتها ومادتها سهلة كفيها يوم مذاكرة
غير متعاونه يالله ترد ايميل معاييرالاختبار غير واضحه اسوا تجرّبه بالنسبه لي الماده سهله بس معاها لا معاييرها غير واضحه طلباتها غير واضحه ماتبي تجاوب على شي
اللي يدرسون معها هذا الترم غير تجاري نزلت لكم القريدات؟ واذا ايه متى؟
أخذت معها شركات محاضرات مسجلة وادخل المحاضرات والله شرحها حلو وتفهمك احسني فهمت الشركات صح منها، ماتندمت والله اني أخذت معها عيبها بالتعامل مسويه شديدة وماترد إيميل إلا نادر، اختباراتها كويسه بالميد بتنقصين ماتدرين وش نقصك وهذي سلبيه فيها حت أوراقنا ماشفناها الفاينل سهل والله بشكل عام كويسه لكن اسلوبها ماعجبني تقدر تصير ارقى من كذا كنت أتجنب اسئلها صراحه
اذا نزلت لكم لا تغيرونها صح انها تحب توريكم انها عصبيه وتهاوش لكن هذا كله مايهم يهمنا نهاية الترم ترضينا بقريدات حلوه ولا لا ؟ اميمه كذا تهاوش بالكلاس بس اذا كلمتيها لحالك والله اطيب منها مافيه عسل والاختبارات تطلعين بدرجه خياليه الفاينل اتوقع كلنا حليناه بدقايق مره مره سهل ف صدق لا تشوفون الكلام السلبي ونزلو عندها خصوصًا بنات الاداره دايم قولو لها حنا بنات اداره مانعرف لموادكم يعني عطوهم الاتنشن اللي يبوه حقين الحقوق، والله يوفقكم يارب ويسهلكم بتاخذون A+ وانتو مغمضين وتراها رفعت شعبها كلهم
درست معها تجاري الدكتورة عسل للأمانه تشرح وتعيد وتزيد لو مافهمتي غالب الوقت نفسيتها زينه وتعتذر كثير الميد موضوعي بشكل كامل حتى لو قالت بجيب تعداد ماتجيب، بعض الاسئلة مدبله والفاينل اخر خمس اسئلة مدبله بعد ، تعطي اب قريد اعتقد الى درجتين ولكن مافيه بونس تحضّر بداية الوقت ولو تأخرتي غالباً بتغيبك لو كان بدون سبب