ونسوك كو

خيار ممتاز جدًا جدًا

خيار جيد بشكل عام، لوق بوك اسبوعي وثلاث عروض تقديميه على الترم كامل ويلغي محاضرات ( محاضراته كلها في يوم واحد 👌🏻) اذا عندكم اختبار او شيء، متعاون ، والمادة ذي بشكل عام اغلب العالم b+ take it easy هذي نصيحتي ، وصح لازم مجموعه شغاله يعني يشتغلون اهم شيء ما اقولك مبدعين وزحمه

الدكتور اشوفه ممتاز من ناحية الشرح ومحاضرته ممتعه واسلوبه جدًا رائع مشكلته لازم تسأله عن كل شي عشان تعرف وش المتطلبات وشلون تبدا في خطوات المشروع ومرن في التعامل حبيب مره ومرن في الحضور يتفهم التأخير عادي ويلغي محاضرات اذا قلتوا له عندكم ميدات مشكلته بس في الدرجات ما راح يزيدك شي وفي ترمنا ما كان فيه كيرف فبيعطيك حقك وبسبب سوء تقييم الدرجات من اللي يجي يقيمكم سواء في البرزنتيشن او الريبورت او البوستر كان ظالم التقييم لكن اهم شي اضمنوا الكويزات بالذات هي اللي تضيع الدرجات والفاينل مره سهالات

مرن في الحضور و لانصراف

تعامله جميل جدًا لكن شرحه عادي ولكنته صعبه نقصنا كثير باعمال السنة رغم انه قال باضبطكم لكن عطانا بونص . المادة تعتمد على مجموعتك + اداءك بالفاينل اغلب الدكاتره زي بعض بالدرجات لان تقييم مشروعك عند دكتور ثاني اهم شي دور دكتور تفهم منه ويساعدك لكن بتدور دكتور يدف منتب لاقي

من نوع الدكاتره يقول ابشر بي وبسوي لك وبساعدك بالدرجات والدرجات اللي بيدي لاتخاف عليها وبالاخير يختفي اخر الترم الصراحة تحت التقييم جدًا شكلهم خوفوه فالقسم ومعد صار يتعاون

الدكتوري اسطوري وحبيب جدا

دكتور ونسوك فخر كوريا من افضل الدكاترة اللي درسوني هالترم ، اذا بتنزل عنده ( او عند غيره) يفضل تختار فريقك بعناية قد ما تقدر واذا كنت عند ونسوك هو ما يسال عن شغلكم كثير ف حاول تساله وتفهم كل شي منه ، انا اعتقد انه من افضل دكاترة المادة اذا ماكان افضلهم من كل النواحي تجربة ممتازة معه واتوقع بتكون لكم

الدكتور طيب مره وتعامله ممتاز مع الطلاب ولما تسأله أي سؤال يتجاوب معك ويعطيك حلول واقتراحات هو أفضل خيار فالمادة ذي وبرضو يعتمد على مجموعتك وكويزاته نفس الاختبارات السابقة بس يغير شي بسيط الدكتور اسطوري

اطلق دكتور حبيب ومتعاون وشرحه حلوه ويمشي معك من بداية الترم حبه حبه ومتجاوب مع أسئلة الطلاب اي شي ما فهمته اسئله لا تستحي انت المستفيد وبالنسبة للتحضير كان شادها اول اسبوعين او ثلاثه بعدين خلاص